Astana meditsina ýniversiteti profilaktikalyq meditsina jáne nýtritsiologiia kafedrasynyń dotsenti Roza Súleimenova koronavirýs infektsiiasyna qarsy immýnitetti kóterý úshin qandai sharalar qabyldaý kerektigin túsindirdi, dep habarlaidy QazAqparat.
«Immýnitetti kóterý taqyrybyna toqtalsaq, aqýyzy kóp taǵamdarǵa mán berý kerek. Olarǵa taýyq, jylqy eti men balyq jatady. Osylardyń sorpasynyń quramynda aqýyzdar kóp. Sol sebepti bul taǵamdardy mindetti túrde eskergen mańyzdy», - R. Súleimenova.
Sonymen qatar ol túrli jańǵaqtardy alý kerektigin atap ótti.
«Immýnitetti kóterý úshin 30-40 paiyzyn aqýyzdan qurasaq, endi qalǵan 50-60 paiyzyn kókónister men jemis-jidekter arqyly qamtyǵan durys bolady. Jaz ailarynda alma, almurt, banan, qulpynai, qaraqat, tańqýrai, itmuryndy kóbirek alǵan jón. Bular tabiǵi ónim bolǵandyqtan, S vitamininiń kózi», - dedi ol.
Onyń atap ótýinshe, adamnyń kóńil-kúii immýnitetti kóterýge erekshe áser etedi.
«Eger kóńil-kúiimiz jaqsy bolyp, jigerlenip júrsek, immýnitet te jaqsy kóteriledi. Sary ýaiymǵa salynyp júrse, immýnitet te álsireidi. Sondyqtan únemi pozitivti bolý kerek», - dep túsindirdi epidemiolog.
Munymen qosa ol profilaktikalyq sharalarǵa toqtaldy.
«Kóbine dúken men dárihanaǵa baramyz. Bul nysandardyń kassalarynda kei jaǵdaida kezek bolyp jatady. Osy oraida ara qashyqtyqty saqtaýǵa mán bergen durys. Úiden shyqqanda meditsinalyq maskany taǵyp, arnaiy qolǵap kiip, qolǵa antiseptik alý qajet. Úige kirgen boida qolymyzdy sabynmen jýamyz. Bólmeni kúnine kemine 3-4 ret jeldetken abzal, sondai-aq ylǵaldy tazalyq sharalaryn júrgizýge kerek», - dedi Roza Sýleimenova.
