G-Global: «Jibek joly» jahandyq syilyǵyn taǵaiyndaityn halyqaralyq komitet qurylady, dep habarlaidy QazAqparat.
Ortalyq kommýnikatsiialar qyzmetinde ótken brifngide G-Global halyqaralyq hatshylyǵynyń basshysy Serik Nógerbekov osyndai málimet berdi.
«Birinshiden, Mandela hanym men Ázerbaijan, Qyrǵyzstan, Grýziia elinen tikelei bailanysqa shyqqan spikerlerge alǵys aitqym keledi. Ekinshiden, Mandela hanymmen ekinshi kún qatarynan aralasa otyryp, Ortalyq Aziia, Ońtústik Kavkaz jáne Afrika aýyldaryndaǵy áielderdi qoldaý qoryn qurý kerek degen sheshim qabyldadyq. Keleshekte oǵan Aýǵanstan áielderi de kiredi», - dedi G-Global halyqaralyq hatshylyǵynyń basshysy.
Onyń aitýynsha, atalǵan qordy Mandela Tembekile qorynyń bas direktory, Nelson Mandelanyń nemeresi Ndileka Mandela hanym basqarady.
«Qordyń keńsesi Ońtústik Afrikada ornalasady. Óitkeni ol jaqta Mandela familiiasy óte bedeldi ekenin bilesizder. Eń bastysy, bul qor atalǵan óńirlerdegi barsha qoǵamdyq uiymdardyń basyn biriktiredi. Atalǵan óńirlerdiń bárinde aýyl áielderin qoldaý boiynsha jumys júrip jatyr. Sol kúshterdi biriktirgimiz keledi. Ol úshin iri korporatsiialar men qorlarǵa qoldaý kórsetý boiynsha júginemiz. Coca-Cola korporatsiiasy óz qory arqyly bizge bul iste kómek kórsetip keledi. Ózge de sheteldik kompaniialar, otandyq kompaniialar, iri qorlar osy iske atsalyssa eken deimiz», - degen Serik Nógerbekov «Jibek joly» jahandyq premiiasyn taǵaiyndaý bastamasy da iske asýǵa jaqyn ekenin atady..
«Mandela hanymmen taǵy bir bastama boiynsha kelistik. «Bir beldeý – bir jol» forýmynyń qorytyndysy boiynsha 40 eldiń kóshbasshylary deklaratsiia qabyldaǵan bolatyn. Osy qorytyndy deklaratsiiada «Jibek joly» jahandyq premiiasyn taǵaiyndaý týraly Qazaqstan bastamasyn qoldaý kerektigi aitylǵan. Biz qazir Mandela hanymmen osy premiiany taǵaiyndaityn halyqaralyq komitettiń jeke quramyn bekitý boiynsha jumys júrgizip jatyrmyz», - dedi ol ortalyq kommýnikatsiialar qyzmetinde.
