Fýtzaldan Qazaqstan quramasy 2022 jylǵy Eýropa chempionaty irikteý kezeńindegi oiyndaryna daiyndyǵyn bastap ketti, dep habarlaidy "Ult aqparat".
Esterińizge sala ketelik, qazaqstandyq fýtzalshylar besinshi topqa tústi. Qarsylastary - Vengriia, Belarýs jáne Izrail quramalary .
Qazaqstandyq fýtzalshylar alǵashqy oiynyn óz alańynda 2020 jyldyń 9 jeltoqsanynda Vengriia quramasyna qarsy ótkizedi.
Qalǵan bes oiyn 2021 jyldyń qańtar jáne sáýir ailary aralyǵynda bolady.
Aldymen 28 qańtarda syrt alańda Izrailmen kezdesedi. Odan keiin óz alańynda 2 naýryzda Belarýspen sheberlik baiqassa, 8 naýryzda syrt alańda oinaidy. Al 6 sáýirde syrt alańda Vengriiamen kezdesse, 13 naýryzda óz alańynda Izraildi qabyldaidy.
Aita ketý kerek, irikteý kezeńi alǵash ret óz alańynda jáne syrtta bolady. Quramalar úsh oiynyn óz alańynda, úsheýin syrtta oinaidy. Irikteý kezeńindegi segiz topta jeńimpaz ataǵan jáne ekinshi oryndaǵy úzdik nátijege qol jetkizgen quramalar finaldyq kezeńge tikelei joldama alady.
Tórtinshi kezeńde ekinshi oryndaǵy tómengi nátije kórsetken eki qurama qosymsha oiynda kezdesip, bir joldamaǵa talasady.
Qazir qazaqstandyq fýtzalshylar aldaǵy oiynǵa daiyndyǵyn júrgizýde. Quramaǵa shaqyrý alǵan fýtzalshylar alǵashqy jattyǵýǵa tolyq quramda qatysa almady. Qaqpashy Igita men qorǵaýshy Dýglas jaraqatyn emdep, endi qurama sapyna qosyldy. Elordalyq «Nur-Sultan» komandasynan kelgen Rinat Ýmeshev qaqpashylardyń jattyǵýyna kómektesýde. Sondai-aq, qosalqy quramnan taldyqorǵandyq «Jetisýdyń» qaqpashysy Nurálem Baidolla keledi. Portýgaliianyń «Sporting» (Lissabon) shabýylshysy Tainan jaqyn kúnderi qurama sapyna qosylady.
Aita ketelik, qazaqstandyq fýtzalshylar budan buryn Eýropa chempionaty finaldyq kezeńinde eki márte baq synady. 2016, 2018 jyldarda qola júlde aldy.
Aldaǵy Eýropa chempionatynyń finaldyq kezeńi 2022 jyldyń 19 qańtar-6 aqpan aralyǵynda Niderlandynyń Amsterdam jáne Groningen qalalarynda ótkiziledi. Onda barlyǵy 16 qurama sheberlik baiqasady.
