Fýtzaldan Qazaqstan quramasy men Almatynyń «Qairat» komandasynyń qaqpashysy Igita (Leonardo de Melo Vieira Leite) álemniń úzdik qaqpashysy atandy, dep habarlaidy "Ult aqparat" Qazaqstan fýtbol federatsiiasyna silteme jasap.
«Futsal Planet Awards» turaqty túrde álemdik fýtzaldaǵy úzdikterdi anyqtaidy. Biyl bul sharaǵa barlyǵy 244 respondent qatysty. Qazaqstandyq qaqpashy 693 ball jinady. Ol ispandyq «Barselona» qaqpashysy Hýana Hose Angosto Ernandes «Hýanho» men Portýgaliianyń «Sporting» klýbynyń braziliialyq qaqpashysy Tiago Mendesa Rochýdy artta qaldyrdy.
Esterińizge sala ketelik, qazaqstandyq fýtzalshy bul ataqqa tórtinshe márte qol jetkizip otyr. Ol buǵan deiin 2015, 2016 jáne 2018 jyldary sondai senimge ie boldy.
Al fýtzaldan Qazaqstan quramasy men Almatynyń «Qairat» komandasynyń bas bapkeri Kaka (Paýlo Rikardo Figýera Silva) áriptesteri arasynda úzdik úshtikke ilikti.
