Búgin fýtzaldan Qazaqstan quramasy 2022 jylǵy Eýropa chempionaty irikteý kezeńindegi alǵashqy oiynynda Vengriia quramasyn qabyldady, dep habarlaidy "Ult aqparat".
Búgingi kezdesýde qazaqstandyq fýtzalshylar oiyn basynan tizgindi qolyna aldy. Nátijesinde birinshi kezeńde alań ieleri qarsylastar qaqpasyna jaýapsyz tórt gol soqty. Ony Arnold Knaýb 7,13, Dáýren Nurǵojin 10, Albert Aqbalyqov 14-minýttarda óziniń enshisine jazdy.
Ekinshi kezeńniń alǵashqy minýtynda qazaqstandyq oiynshylar esepti ústemelei tústi. Goldy 22-minýtta Dáýren Tursaǵulov soqty. Oiynda Qazaqstan quramasy qarsylasynan 5:0 esebimen basym tústi.
Esterińizge sala ketelik, Qazaqstan quramasy besinshi topta synǵa túsedi. Qarsylastary - Vengriia, Belarýs jáne Izrail quramalary.
Endi qazaqstandyq fýtzalshylar 2021 jyldyń 28 qańtarynda syrt alańda Izrailmen kezdesedi.
Alǵashqy týrdan keiin Qazaqstan quramasy birinshi orynǵa shyqty. Ekinshi orynda Belarýs tursa, odan keiingi oryndarda Izrail jáne Vengriia quramalary keledi.
Árbir toptyń jeńimpazy men úzdik nátijege jetken ekinshi oryndaǵy alty qurama finaldyq kezeńge tikelei joldama alady.
Al ekinshi oryndaǵy tómen nátije kórsetken eki qurama 2021 jyldyń 14 jáne 17 qarasha kúnderi taǵy bir joldamaǵa talasady.
Finaldyq týrnir 2022 jyldyń 9 qańtary men 3 aqpany aralyǵynda Niderlandy elinde ótkiziledi.
Atalǵan topta búgin Belarýs syrt alańda Izraildi 3:0 esebimen jeńip ketti.
