Elimizdiń ulttyq jáne 21 jasqa deiingi jastar quramasyna bapkerler taǵaiyndaldy.
Bul jóninde Qazaqstan fýtbol federatsiiasy málim etti.
Qazaqstan ulttyq quramasyna bas bapker qyzmetine Talǵat Baisýfinov keldi. Ol 1968 jyly dúniege kelgen. Fýtbolshylyq mansabynda Pavlodardyń «Traktor» (qazirgi «Ertis»), Ermaktyń «Metallýrg», Jezzǵazǵannyń «Eńbek», Ekibastuzdyń «Ekibastuz», Taldyqorǵannyń «Jetisý», Óskemenniń «Vostok» komandalarynda oinady. Bapkerlik qyzmetinde «Esil-Bogatyr», Stepnogorskiniń «Aqsý», Pavlodardyń «Ertis», Oraldyń «Aqjaiyq» komandalarynda jetekshilik jasady. 2016-2017 jyldarda Qazaqstan ulttyq quramasynyń tizginin ustady.
Qazaqstan ulttyq quramasy biyl Ulttar ligasynda S divizionynda synǵa túsip, tórtinshi topta sońǵy oryndy mise tutty.
Al elimizdiń 21 jasqa deiingi jastar quramasy endi Qairat Nurdáýletov jattyqtyrady.
Q.Nurdáýletov 1982 jyly dúniege kelgen. Ol fýtbolshylyq mansabynda Almatynyń TsSKA-«Qairat», «Qairat», Petropavldyń «Esil-Bogatyr» (qazirgi «Qyzyljar»), Pavlodardyń «Ertis», elordalyq «Astana», Qostanaidyń «Tobyl» jáne Qyzylordanyń «Qaisar» komandalarynda oiyn kórsetken.
Elimizdiń ulttyq quramasy sapynda 2003-2013 jyldar aralyǵynda oiyn kórsetip, 35 kezdesýde jasyl alańǵa shyqty. Birneshe oiynda kapitandyq mindetti atqardy.
2017 jyldan beri Qazaqstan ulttyq jáne 21 jasqa deiingi jastar quramasynda bas bapkerdiń kómekshisi qyzmetin atqardy.
Esterińizge sala ketelik, Qazaqstan 21 jasqa deiingi jastar quramasy 2021 jylǵy Eýropa chempionatyna irikteý satysynda altynshy topta tórtinshi oryndy saqtap qaldy.
