Fýtboldan Germaniia chempionaty mamyr aiynyń ortasynda qaita jalǵasady. Koronavirýs pandemiiasyna bailanysty Býndesliga oiyndary keiinge shegerilgen bolatyn, dep habarlaidy "Ult aqparat" liga saityna silteme jasap.
Býndesliga basshylyǵy Eýropadaǵy jetekshi sanalatyn ulttyq fýtbol ligalary arasynda birinshi bolyp chempionatty qaita jalǵastyrǵaly otyr.
Nemis fýtbol ligasy (DFL) budan buryn barlyq oiynshyǵa infektsiiaǵa bailanysty turaqty tekserý júrgiziletinin jariialaǵan edi. Sondai-aq, aldaǵy oiyndar ázirge jankúiersiz ótedi.
Esterińizge sala ketelik, Býndesligada sońǵy 25-týr oiyndary 8 naýryzda ótti. Qazir týrnir kestesinde «Bavariia» 55 upaimen kósh bastap tur. Odan keiingi oryndardaǵy «Borýssiia» (Dortmýnd) klýbynda - 51, «Leiptsigte» - 50 upaidan bar.
