Búgin Shveitsariianyń Tsiýrih qalasynda fýtboldan 2022 jylǵy álem chempionaty Eýropadaǵy irikteý kezeńiniń jerebesi tartyldy, dep habarlaidy "Ult aqparat".
Qazaqstan D tobyna tústi. Qarsylastary - Frantsiia, Ýkraina, Finliandiia jáne Bosniia jáne Gertsogovina quramalary.
Ózge toptar tómendegidei bólindi.
A toby: Portýgaliia, Serbiia, Irlandiia, Liýksembýrg, Ázerbaijan;
B toby: Ispaniia, Shvetsiia, Gretsiia, Grýziia, Kosovo;
C toby: Italiia, Shveitsariia, Soltústik Irlandiia, Bolgariia, Litva;
E toby: Belgiia, Ýels, Chehiia, Belarýs, Estoniia;
F toby: Daniia, Avstriia, Shotlandiia, Izrail, Farer araldary, Moldova;
G toby: Niderlandy, Túrkiia, Norvegiia, Chernogoriia, Latviia, Gibraltar;
H toby: Horvatiia, Slovakiia, Resei, Sloveniia, Kipr, Malta;
I toby: Angliia, Polsha, Vengriia, Albaniia, Andorra, San-Marino;
J toby: Germaniia, Rýmyniia, Islandiia, Soltústik Makedoniia, Armeniia, Lihtenshtein.
Aita keteiik, jerebe nátijesinde eýropalyq quramalar on topqa bólindi. 2021 jylǵy Ulttar ligasynyń finaldyq satysynda baq synaǵan quramalar oiyn kórsetetin toptarda bes, qalǵanynda alty quramadan baq synaidy. On jeńimpaz álem chempionatyna finaldyq kezeńine tikelei joldama alsa, ekinshi oryn alǵandar jáne Ulttar ligasynda úzdik shyqqan eki qurama plei-off satysynda oinaidy. Plei-off satysynda úsh toptan jeńimpaz bolǵany dúbirli dodaǵa joldama alady.
Eýropa qurlyǵyndaǵy irikteý kezeńi 2021jyldyń naýryzy men 2022 jyldyń naýryzy aralyǵynda bolady. Jarystyń finaldyq satysy 2022 jyldyń 21 qarashasy men 18 jeltoqsan aralyǵynda ótkiziledi.
