Aqmola oblysynyń Atbasar qalasynda óńirlik jarys kezinde 58 jastaǵy fýtbolshy kóz jumdy. Astanadan kelgen sportshy oiyn barysynda ózin jaisyz sezinip, dárigerlerdiń shuǵyl kómegine qaramastan qaitys boldy, dep habarlaidy ult.kz.
Aqmola oblysynyń politsiia departamenti málimdegendei, 1968 jyly týǵan er adamnyń ólimi Atbasar aýdandyq politsiia bóliminde tirkelgen.
«Aldyn ala málimet boiynsha, ólimge júrekke qatysty máseleler sebep bolǵan», – dep habarlady politsiianyń baspasóz qyzmeti.
Qazirgi ýaqytta atalǵan jaǵdai boiynsha tekserý júrgizilip jatyr. Onyń qorytyndysy boiynsha túpkilikti sheshim qabyldanady.
Oblystyq dene shynyqtyrý jáne sport basqarmasynyń málimetinshe, bul jarysty Atbasar qalasynyń jergilikti ákimdigi uiymdastyrǵan. Is-sharany uiymdastyrýǵa sport basqarmasy nemese oǵan qarasty uiymdar qatyspaǵan. Sondai-aq jarys sport basqarmasymen kelisilmegen.
Oiyn barysynda elordadan kelgen 58 jastaǵy fýtbolshynyń jaǵdaiy kúrt nasharlaǵan. Dárigerler oǵan dereý shuǵyl meditsinalyq kómek kórsetkenimen, sportshyny aman alyp qalý múmkin bolmaǵan.
