Qazaqstandyq fristailshy Iýliia Galysheva Kanadadaǵy Álem kýbogynyń jeke mogýl kezeńinde ekinshi oryn aldy, dep habarlaidy QazAqparat.
Onyń nátijesi 80,99 upaidy qurady. Birinshi orynǵa 2018 jylǵy Olimpiada chempiony, frantsýz Perrin Laffon (82,14 upai) jaiǵasty. Úzdik úshtikti reseilik Anastasiia Smirnova (80.18) túiindedi.
Elimizdiń atynan barǵan taǵy bir sportshy Aiaýlym Ámirenova 58,54 upaimen 28-orynǵa turaqtady.
Erler arasynda kanadalyq Mikael Kingsberi (86,80) jeńimpaz atansa, ekinshi oryndy japondyq Ikýma Horisima (86,60) ielendi. Úshinshi oryn frantsýz Benjamen Kavege (83,99) buiyrdy.
Qazaqstandyq sportshy Pavel Kolmakov 76,00 upai nátijesimen 11-orynnan kórinse, Dmitrii Reiherd 24-shi boldy (71,89 upai).
Aita ketsek, Álem kýboginiń úshinshi kezeńi Mon-Tremblanda (Kanada) ótti.
Buǵan deiin, Qazaqstandyq fristailshy Anastasiia Gorodko Fon-Romdaǵy Eýropa kýbogynyń kezeńinde «altyn» alǵan bolatyn.
