instagram.com/yelena_kryglykhina
Fristaildan Qazaqstan quramasynyń bas bapkeri Elena Krýglyhina komandanyń burynǵy múshesi Aleksandr Geberttiń aiyptaýyna jaýap berdi, - dep habarlaidy Tengrinews.kz tilshisi Vesti.kz saityna silteme jasap.
Buǵan deiin sportshy video habarlama jasap, jattyqtyrýshy tarapynan qorlyq kórgenin aitqan. Sondai-aq, quramadan shyǵýyna kelispeitinin málimdegen.
Ministrlik fristail quramasyndaǵy janjalǵa túsinik berdi.
Janjal týyndaǵan kezde Krýglyhina óziniń Instagram-daǵy paraqshasynda video jariialap, jaǵdaidy tolyq baiandaǵan.
Eske sala keteiik, buǵan deiin qazaqstandyq sportshy, fristail komandasynyń eks-múshesi Aleksandr Gebert Instagram-daǵy paraqshasynda 2020 jyly ulttyq quramadan óz erkimen ketýge májbúr etkenin aitqan.
Videoda Aleksandr Gebert bas bapker sportshylarǵa memleketten kúndelikti ómir súrýge bólinetin aqshanyń qalǵanyn qaitarýǵa májbúr etip, psihologiialyq qysym kórsetkenin aityp shaǵymdanǵan.
Mádeniet jáne sport ministrliginiń Sport jáne dene shynyqtyrý isteri komiteti 2020 jyly Aleksandr Gebert komitettiń 2020 jylǵy 22 qazandaǵy buiryǵymen fristail boiynsha shtattyq qurama komandanyń quramynan shyǵarylǵanyn rastady.
Komitet Nur-Sultan qalasy boiynsha Ekonomikalyq tergeý departamentine, sondai-aq qarjy monitoringi agenttigine hat joldap, onda Aleksandr Geberttiń Elena Krýglyhinaǵa sportshylardan aqsha jinaýǵa qatysty shaǵymy boiynsha túpkilikti sheshim qabyldaý týraly aqparat beriletinin habarlady.
