Frantsýz Polineziiasynda COVID-19 jaǵdailarynyń kúrt kóbeiýinen mektepter jabylyp, karantin sharalary kúsheitildi, dep habarlaidy "QazAqparat" HAA Halyqaralyq frantsýz radiosyna silteme jasap.
Arhipelagta Frantsiia úshin koronavirýs juqtyrýdyń rekordtyq kórsetkishi tirkelýde – ótken aptada ár 100 myń adamnyń 2 800-i virýs juqtyrǵan. Osylaisha, ár apta saiyn halyqtyń 3%-y koronavirýs juqtyryp otyr.
Endi Frantsiianyń teńizdiń arǵy jaǵyndaǵy qaýymdastyqtardyń barlyǵy bilim berý mekemeleriniń jumysyn toqtatýǵa májbúr. Frantsýz Polineziiasynda engizilgen shekteýler Frantsiiadaǵy birinshi lokdaýn kezindegi shekteýlerge uqsaidy.
Alǵashqy qajettilik taýaryn satpaityn dúkender jabylady. Keshki 8-den tańǵy 4-ke deiin komendant saǵaty engiziledi. Qalǵan kezderi tek mańyzdy sebeppen ǵana syrtqa shyǵýǵa ruqsat etiledi.
Arhipelagtaǵy jaǵdaidy onyń Frantsiia aýmaǵynan alys ornalasqany qiyndatyp otyr. Frantsiianyń qurlyq bóliginde ornalasqan óńirlerdegi COVID-19-dyń aýyr túrlerimen aýyratyn naýqastardy jansaqtaý bólimsheleri tolmaǵan Parij qalasyna nemese basqa iri qalalarǵa aýystyryp jatady.
Frantsýz Polineziiasynda mundai múmkindik múlde joq – eýropalyq kontinent pen Taiti arasy 15 myń shaqyrym.
COVID-19 juqtyrý jaǵdailarynyń kúrt kóbeiýi vaktsinalaýdyń tómendigimen bailanystyrylyp otyr. Frantsiianyń qurlyqtyq bóliginde halyqtyń 60%-y vaktsina alǵan.
Arhipelagta vaktsinanyń eki dozasyn 270 myń halyqtyń 90 myńy, iaǵni 30%-y ǵana alǵan.
