Frantsiia prezidenti egde jastaǵy frantsýzdar men densaýlyǵy nashar adamdarǵa koronavirýsqa qarsy vaktsinanyń úshinshi dozasynyń salynýy múmkin ekenin málimdedi. Bul týraly Emmanýel Makron Instagram-da jariialady, dep habarlaidy "Ult aqparat".
«Jan-jaǵynan alyp qaraǵanda, densaýlyǵy álsiz jáne egde jastaǵy adamdarǵa vaktsinanyń úshinshi dozasyn salý qajet. Biz bul iske daiyndyq ústindemiz. Kúzdiń basynan bastai alamyz», - dedi Makron.
Frantsýz prezidenti qazirgi ýaqytta Jerorta teńiziniń jaǵalaýynda ornalasqan Breganson fortyndaǵy jazǵy rezidentsiiasynda demalysta. Sol jerden aptanyń basynan beri áleýmettik jelilerde frantsýzdarmen eldi koronavirýstan qorǵaý jáne biliktiń jańa sharalary týraly belsendi túrde talqylaý júrgizedi.
