Foto: Qazaqstandaǵy Frantsiia elshiliginiń baspasóz qyzmetinen
2026 jylǵy 1–15 sáýir aralyǵynda Armeniia, Belgiia Koroldigi, Kanada, Frantsiia, Litva, Marokko Koroldigi, Rýmyniia jáne Shveitsariia elshilikteri Qazaqstanda frantsýz tili men frankofon mádenietteriniń alýan túrliligine arnalǵan pánaralyq festival – Frankofoniia kóktemin birlesip ótkizedi. Bul týraly Astanada ótken baspasóz konferentsiiasynda osy el elshileri aitty, dep habarlaidy Ult.kz.
Festival Frantsýz alianstary, frankofon qaýymdastyqtary jáne qazaqstandyq mádeni mekemelermen yntymaqtastyqta uiymdastyrylady. Baǵdarlama aiasynda túrli is-sharalar josparlanǵan: kino kórsetilimderi, kontsertter, konferentsiialar, ádebi kezdesýler, kórmeler, frantsýz tili men frankofon ánderi boiynsha baiqaýlar.
Frankofoniia kókteminiń 16-shy shyǵarylymy Qazaqstannyń birneshe qalasynda ótedi: Almaty, Astana, Shymkent, Qaraǵandy, Óskemen jáne Qostanai qalalarynda.
Foto: Silvan Giogen / Qazaqstandaǵy Frantsiia elshiliginiń baspasóz qyzmetinen
Frantsýz tili – álemdegi keń taralǵan tilderdiń ishinde tórtinshi orynda: ony bes qurlyqta 396 million adam sóileidi. Bul týraly Frantsiianyń Qazaqstandaǵy Tótenshe jáne Ókiletti Elshisi Silvan Giogen aitty.
“Frantsýz tili oqytylatyn tilder arasynda tanymaldyǵy boiynsha ekinshi orynda – 51 million oqýshy. Frantsýz tili 29 elde resmi mártebege ie jáne BUU, NATO, Eýro Odaq siiaqty halyqaralyq uiymdarda qoldanylady”, – deidi elshi.
Sonymen qatar Qazaqstanda frantsýz tilin 11 000 stýdent oqidy, al shamamen 25 000 adam bul tilde sóileidi eken.
Sonymen qatar elshi elimizde birqatar mektepter aiasynda frantsýz tilin oqytatyn ortalyqtar men frantsýz mádeni ortalyqtarynda da frantsýz tili kýrstary jumys isteitinin aitty. Elshiniń sózinshe Qazaqstan halqy frantsýz tiline joǵary qyzyǵýshylyq tanytyp otyr.
“Jaqynda Almaty men Astana qalalarynda frantsýz mektepteri ashylady. Mektepke balalardy 3 jastan alamyz. Balalardyń frantsýz tilin meńgerip kelýin talap etpeimiz, metep direktory balalardy ózi tańdap alady. Ata-analar balalaryn frantsýz júiesimen oqytatynyn, bul júie Qazaqstannyń júiesine uqsamaitynyn túsinýleri kerek. Qazaqstandyqtardyń frantsýz mektebine qyzyǵýshylyǵy joǵary ekenin kórip tańqaldyq”, – dep otyr Silvan Gioge.
Qazaqstan men Eýropa elderi arasyndaǵy mádeni-gýmanitarlyq bailanystar sońǵy jyldary jańa deńgeige kóterilip keledi. Ásirese til men mádeniet arqyly ózara túsinistikti nyǵaitý – qazirgi jahandaný dáýirindegi mańyzdy baǵyttardyń biri. Osy rette halyqaralyq mádeni sharalar halyqtar arasyndaǵy dialogty damytýǵa jáne seriktestikti tereńdetýge yqpal etip jatyr.
Qazirgi jahandaný zamanynda elderdiń ózara qarym qatynasyn damytýda atalǵan is shara siiaqty aýqymdy jobalardyń róli zor ekenin Belgiia Koroldiginiń Qazaqstandaǵy Tótenshe jáne Ókiletti Elshisi Erik De Maier atap ótti.
Foto: Erik De Maier / Qazaqstandaǵy Frantsiia elshiliginiń baspasóz qyzmetinen
“Adamdar qazir jańa tehnologiialar arqyly sóilesetini málim jáne qoǵamda qysym kóbeigen qazirgi zamanda ózara túsinispeýshilik artqany baiqalady. Frantsýz tili arqyly dialog halyqtar men mádenietter arasynda berik bailanys ornatýǵa múmkindik beredi. Buǵan qazirgi bizdiń jiynymyz dálel deýge bolady. Aldaǵy eki apta ishinde ótetin shara aiasynda mádenietaralyq bailanystyń mańyzy men Briýssel jáne Astana arasyndaǵy berik ustanymynyń mańyzyn basa aitqymyz keledi”, – dedi elshi.
1970 jyly qurylǵan Frankofoniianyń halyqaralyq uiymy (FHU) frantsýz tilin ilgeriletý jáne tildik áralýandylyqty qoldaý maqsatynda, sondai-aq bilim berý, mádeni dialog, turaqty damý, yntymaqtastyq, demokratiia jáne beibitshilikti damytý úshin 90 múshe memleket pen úkimetti biriktiredi.
Frankofoniiaǵa múshe memleketter men úkimetter basshylarynyń 19-shy konferentsiiasy 2024 jyldyń qazan aiynda Frantsiianyń Viller-Kotre jáne Parij qalalarynda ótti. Kelesi sammit 2026 jyldyń sońynda Kambodjada ótedi.
Qazaqstanda Frankofoniia kóktemi 16 jyldan beri yntymaqtastyqtyń basty mádeni oqiǵasy bolyp keledi.
Frankofoniia kókteminiń elimiz boiynsha ótetin is-sharalarynyń baǵdarlamalaryn Qazaqstandaǵy Frantsiia telegram arnasynan oqýǵa bolady.
