5 qazanda Shvetsiianyń Koroldik ǵylym akademiiasy janyndaǵy Nobel komiteti fizika salasyndaǵy úsh ǵalymǵa «kúrdeli fizikalyq júielerdi túsinýge qosqan úlesi úshin» 2021 jylǵy Nobel syilyǵyn tabystaitynyn jariialady, dep habarlaidy QazAqparat AZERTADJ-ǵa silteme jasap.
AZERTADJ-dyń málimetinshe, Stokgolmdegi arnaiy sharada fizikadan Nobel syilyǵynyń bir bóligi amerikalyq ǵalym Siýkýro Manabe men Klaýs Hasselmange «jer klimatyn fizikalyq modeldeý, ózgergishtikti sandyq baǵalaý jáne jahandyq jylynýdy senimdi boljaýǵa» qosqan úlesi úshin tabys etildi. Al, qalǵan bóligi italiialyq ǵalym Djordjo Parizige «atomnan planetarlyq masshtabqa deiingi fizikalyq júielerdegi tártipsizdik pen aýytqýlardyń ózara árekettesýin ashqany úshin» berildi.
Eske sala keteiik, 4 qazannan bastap 2021 jylǵy Nobel syilyǵynyń laýreattary jariia etile bastady. Marapattaý rásimi jylda Stokgolmde ótetin. Biyl koronavirýs pandemiiasyna bailanysty syilyq 10 jeltoqsan kúni 10 elde tabystalady.
