Qazaqstandyq ata-analar oqýshylardyń qaýipsizdik tehnikasy boiynsha nusqaýlyqpen tanystyrylyp jatqanyna alańdaýly. Keibireýleriniń pikirinshe, erejelermen tanysý faktisin rastap, jýrnaldarǵa qol qoiý balalar úshin qaýipti. Mundai blank retinde olarǵa KVI-ge qarsy vaktsinatsiiaǵa kelisim berilýi múmkin. Bul málimet - jalǵan, dep habarlaidy Stopfake.kz.
QR Bilim jáne ǵylym ministrligi ata-analardyń alańdaýshylyǵyn seiiltti.
Vedomstvonyń habarlaýynsha, qaýipsizdik tehnikasy erejelerimen tanysqanyn rastaityn qoltańbany oqýshylar jeke blankige emes, arnaiy jýrnalǵa qoiady.
Sonymen qatar, nusqamany ótkizý oqýshylardyń quqyqtaryn buzý bolyp tabylmaidy.
– Nusqamany ótkizý týraly mindetti túrde Kirispe nusqamalyq tirkeý jýrnalyna jazylady. Árbir nusqama kezinde jýrnaldy toltyrý mindetti bolyp tabylady. Bul rette jýrnaldaǵy jazbalarda nusqaýshy men bilim alýshylar týraly aqparat, nusqamany ótkizý kúni men taqyryby jáne nusqaýshy men oqýshylardyń qoldary bolýy tiis. Jýrnaldaǵy aqparat ata-analardyń quqyǵyn buzbaidy, óitkeni oqýshynyń qoly onyń ártúrli jaǵdailarda qaýipsiz áreket etý sharalarymen tanys ekenin rastaidy», – dep túsindirdi vedomstvo ókilderi.
Bilim uiymdarynyń bilim alýshylary men tárbielenýshilerine meditsinalyq kómek Qazaqstan Respýblikasy Densaýlyq saqtaý ministriniń 2017 jylǵy 7 sáýirdegi № 141 buiryǵyna sáikes kórsetiledi.
Osy buiryqtyń 18-tarmaǵyna sáikes mektep josparly túrde profilaktikalyq tekserýler, vaktsinatsiia nemese basqa da meditsinalyq qyzmetter kórsetý kezinde jazbasha aqparattandyrylǵan kelisim alýǵa nemese meditsinalyq aralasýdan bas tartýǵa kómek kórsete alady.
Mundai qujatqa kámeletke tolmaǵan balanyń ata-anasy nemese zańdy ókili qol qoiýy kerek.
Qoryta aitqanda, mektepterde KVI qarsy vaktsinatsiialaý kelisimi blankin Kirispe nusqamany tirkeý jýrnaly dep berip, balalardy óz betinshe egilýge ruqsat berýge májbúrlemeidi.
Birinshiden, mundai áreketter zańsyz, ekinshiden, jýrnal meditsinalyq protsedýralardy júrgizýge aqparattandyrylǵan kelisim nysanynan múldem ózgeshe.
