Qaznet qoldanýshylary áli de 5G tehnologiiasy týraly konspirologiialyq teoriialardy taratýda. Búginde TikTok áleýmettik jelisinde jáne Telegram messendjerinde uialy bailanys baǵanalarynyń videosy óte kóp. Ol jerde baǵanalar planeta halqyn bir milliard adamǵa deiin azaitý úshin qajet dep jazylǵan, dep habarlaidy Stopfake.kz saity.
5G tehnologiiasy – bul adamdardy jappai qyryp-joiý quraly nemese qupiia emes qarý emes, tek joǵary ótkizý qabilettiligimen erekshelenetin jáne álem boiynsha adamdarǵa jyldam jáne turaqty internet bailanysyn qamtamasyz etetin jańa bailanys formaty.
5G tolqyndary – 24 GGts jáne odan joǵary diapazonda jumys isteidi. Biz biletin Wi-Fi roýterleri, politsiia radarlary, keibir jerserikter jáne t.b. qurylǵylar da osy jiilikte jumys isteidi. Fizik jáne ǵylymdy tanymal etýshi Dmitrii Pobedinskii Tehnologiianyń qalai jumys isteitini jáne nege odan qorqýdyń qajeti joq ekendigi týraly óziniń YouTube kanalynda egjei-tegjeili
aityp beredi.
5G tolqyndarynyń adam densaýlyǵyna áserin ǵalymdar tekserdi. Olar tehnologiia adamdar men janýarlardyń densaýlyǵyna aitarlyqtai ziian keltire almaidy degen qorytyndyǵa keldi.
5G baǵanalary qarý bolyp tabylady jáne tehnologiianyń ózi qaterli isik, aýtizm, COVID-19 aýrýlaryna ákeledi, sondai-aq adamdarda úrei men ábigerlik týdyrýy múmkin degen teoriialardy biz buǵan deiin joqqa shyǵardyq.
Qupiia álemdik Úkimettiń josparlaryn júzege asyrǵannan keiin tiri qalatyn adamdar týraly «Altyn milliard» dep atalatyn teoriia qastandyq teoriiasy bolyp tabylady jáne eshqandai dáleli joq. Ony buǵan deiin joqqa shyǵarǵan bolatynbyz.
Demek, Qazaqstanda adamdardy jappai óltirý úshin 5G antennalary ornatylýda degen aqparat feik jáne konspirologiia. Bailanystyń jańa formaty adamdar men janýarlarǵa aitarlyqtai teris áser ete almaidy jáne ol qarý emes.
