Áleýmettik jelilerde COVID-19 qarsy vaktsinatsiiany - adamdarda júrgizilgen tájiribe, al vaktsinalardyń komponentteri qupiialandyrylǵan dep jazǵan avtordyń posty taratylýda. Bul málimdemeler jalǵan, dep habarlaidy Stopfake.kz saity.
Jappai vaktsinatsiia - tájiribe nemese zertteý emes. Qazaqstanda qoldanylatyn SOVID-19 qarsy barlyq vaktsinalar, olardyń qaýipsiz ekendigi rastalǵan klinikalyq synaqtardan ótken. Eriktilerde aýyr jaǵymsyz reaktsiialar anyqtalǵan joq. Preparatty alýmen bailanysty ólim-jitim de tirkelmegen. Synaq nátijeleri ashyq derekkózderde jariialandy.
Post avtory málimdemeleri vaktsinatsiianyń qaýiptiligin dáleldeitin professor Galina Chervonskaianyń sózine súienedi. Shyn máninde, Chervonskaia eshqashan immýnologiia boiynsha zertteýler júrgizbegen jáne ataǵy men dárejeleri joq. Onyń vaktsinatsiia jaily málimdemelerin mamandar men dárigerler birneshe ret joqqa shyǵardy.
Demek, habarlamada shyndyqqa sáikes kelmeitin jalǵan aqparat berilgen.
