What‘sApp messendjerinde balalarǵa arnalǵan juqpaly aýrýlar bólimshelerinde tósek-oryndar daiyn ekendigi týraly aýdio habarlama taratylýda, dep habarlaidy "Ult aqparat" Stopfake.kz saityna silteme jasap.
Avtordyń aitýynsha, olar mektepterde vaktsina shashqannan keiin qajet bolady, balalar jappai aýyryp, óle bastaidy. Bul - feik.
Bul aqparatty Sanitarlyq-epidemiologiialyq baqylaý komiteti joqqa shyǵardy.
– Balalarǵa arnalǵan qosymsha infektsiialyq tósek-oryndar daiyndaý týraly aqparat shyndyqqa janaspaidy. Búgingi tańda, kerisinshe, KVI-men juqtyrý jaǵdailarynyń tómendeýine bailanysty juqpaly aýrýlar statsionarlary jabylýda. Sondai-aq, bólmede búrký arqyly qoldanylatyn vaktsina joq, – dedi vedomstvonyń resmi ókili Erjan Baitanaev.
"Bul ata-analar arasynda dúrbeleń týǵyzǵan dybystyq habarlamalar buǵan deiin de taraǵan bolatyn.
Biz Taraz jáne Shymkent qalalarynda balalardy belgisiz baǵytta evakýatsiialap, aýyzyna tamyzý arqyly egetini týraly feikti joqqa shyǵardyq" - delingen habarlamada.
