Qazaqstandyqtar taǵy da 5G jelileriniń ziiany týraly aita bastady. Bul joly Telegram messendjerinde 5G – adamdardyń boiynsha qorqynysh pen úrei sezimin oiatýǵa, aýyrsyný sezimin týdyrýǵa jáne oilardy tikelei miǵa jetkize alatyn psihotrondy ekendigi aitylǵan beine taratylýda. Sondai-aq, rolik avtorlarynyń aitýynsha, osy formattaǵy jeliler COVID-19 qarsy vaktsina komponentterimen ózara árekettese alady. Bul jalǵan, dep habarlaidy stopfake.kz saity.
Birinshiden, psihotrondy qarý joq. Úkimet ázirlegen, adamdardyń boiynda belgili bir oilar men emotsiialar oiatýǵa, olardyń DNQ ózgertýge jáne minez-qulqyna áser ete alatyn qupiia qarý – bul qastandyq teoriiasy ǵana. Keibir adamdar mundai tehnologiialardyń bar ekendigine senedi, al basqalary ony qarý retinde «ynaǵanyn» sezinedi. Ádette, olar endi ózderi oilana almaityndaryn, deneniń ártúrli bólikterinde aýyrsynýdy sezinedi jáne ózderin bireýler baqylaitynyna senimdi, buǵan udaiy «dálelder» taýyp otyrady. Sarapshylar mundai belgilerdi Kandinskii-Klerambo ashyqtyq sindromynyń simptomdary dep ataidy, óz kezeginde bul paranoidtyq shizofreniianyń damýynyń belgisi bolyp tabylady.
Búgingi tańda infradybys qoldanylatyn jinalǵan halyqty taratýǵa arnalǵan qurylǵylar bar, olardy keide «psihotrondy» dep te ataidy. Onyń yńǵaisyzdyq týdyratyny ras, biraq ol oilar men emotsiialardy týdyrmaidy nemese basqa jolmen psihikaǵa áser ete almaidy.
Demek, rolik keiipkeriniń psihotrondyq qarý mańyzdy nysandardyń ainalasynda ornatylǵandyǵy jáne olarǵa jaqyndaǵan adamdar qorqyp, aýmaqqa kire almaidy degen sózderi oidan shyǵarylǵan. Sonymen qatar, bul Aq Úige, Býkingem saraiyna jáne t.b. kúzetiletin nysandarǵa zańsyz kirýdiń jaǵdailarymen de teriske shyǵarylady.
2019 jyly millionnan astam adam 2013 jylǵa deiin AQSh-tyń Nevada qalasynda ornalasqan áskeri bazaǵa 51-aimaqqa shabýyl jasaýdy josparlaǵan. Nátijesinde shabýyl bolǵan joq, biraq júzdegen adam jaqyn jerde uiymdastyrylǵan festivaldarda kóńil kóterdi, olardyń kóbi bazanyń qaqpasyna jaqyndap, esh qoryqpastan kúzetshilermen áńgimelesti.
Ekinshiden, 5G munaralary qarý degen de qastandyq teoriiasy bolyp tabylady. Buǵan deiin biz ony egjei-tegjeili taldap, uialy bailanys qurylǵylarynda qarý dep sanaýǵa bolatyn lazer, zeńbirek nemese jumbaq «sáýlelendirgish» joq ekendigin jazǵan bolatynbyz. Sondai-aq, kóshe shamdary jappai qyryp-joiý qarýy, qaterli isik pen basqa da emdelmeitin aýrýlardy týdyratyny týraly uqsas teoriialar týraly aittyq.
Úshinshiden, 5G jelileri men COVID-19 pandemiiasynyń arasynda bailanys joq. Aýrýdyń qozdyrǵyshy jańa býyndaǵy jelileri arqyly berilýi múmkin degen nusqany DDSU joqqa shyǵardy.
Sonymen qatar, 5G tolqyndary teri jasýshalarynda SARS-CoV-2 koronavirýsyn týdyrýy múmkin degen ańyzdy joqqa shyǵardyq.
5G signaldary KVI vaktsinalarynyń komponentterimen ózara árekettese almaidy. Óitkeni, vaktsinalarda kez kelgen radio signaldaryn qabyldap, taratatyn nemese óńdei alatyn ingredientter joq.
Vaktsinalardyń quramymen tolyǵyraq myna jerden tanysýǵa bolady:
Ǵalymdar 5G jelileriniń adamdar úshin qaýipsiz ekendigine qatysty zertteýler júrgizdi jáne ony jalǵastyrýda. Búgingi tańda mundai formattaǵy tolqyndar fizikalyq nemese psihikalyq densaýlyqqa teris áser etýi múmkin dep aitýǵa negiz joq.
5G jelileri psihotrondy da, basqa da qarý emes. Uialy bailanys signaldary KVI qarsy vaktsinalarymen ózara áreket etpeidi jáne osy aýrýdyń pandemiiasymen bailanysty emes.
