WhatsApp messendjerinde qazaqstandyqtar Tengrinews.kz jańalyqtar portalynan túsirilgen skrinshotty taratýda. Sýrette 20 qyrkúiekten bastap elimizdiń barlyq oqýshylary men stýdentteri onlain rejimde oqýǵa kóshetini týraly jańalyq kórsetilgen. Bul - ótirik, dep habarlaidy "Ult aqparat" stopfake.kz saityna silteme jasap.
Shyn máninde, taratylǵan sýret grafikalyq redaktorlarda óńdelgen. Qashyqtan oqytý formatyna kóshý týraly habarlamadaǵy qarip jańalyqtar portalynda qoldanylatyn qarippen erekshelenedi. Sonymen qatar, habarlamada stilistikalyq qateler bar. Tengrinews portalynda jariialanǵan túpnusqa aqparatta aǵymdaǵy jyldyń 15 qyrkúiegindegi valiýta baǵamynyń ózgerýi týraly ǵana aitylady. Maqalada oqýshylar men stýdentterdi oqytý formatynyń ózgerýi týraly eskertýler joq.
Onlain oqytý formatyna kóshý týraly aqparatty sanitarlyq-epidemiologiialyq baqylaý komiteti de joqqa shyǵardy.
– Bul aqparat shyndyqqa janaspaidy. Balalar oflain rejimde oqýda jáne oqýyn jalǵastyrady. Eger synypta koronavirýstyq infektsiia juqtyrǵan oqýshy anyqtalsa, onda tek osy synyp qana eki aptalyq karantinge jiberiledi. Mekteptegi qalǵan barlyq oqýshylar oqýyn dástúrli formatta jalǵastyrady, – dep túsindirdi vedomstvonyń resmi ókili Erjan Baitanaev.
Demek, qashyqtan oqytýǵa kóshý týraly habarlamalar feik, al skrinshot qoldan jasalǵan. Biyl 15 qyrkúiekte Tengrinews portaly oqýshylar men stýdentter úshin oqytý formatynyń aýysqany týraly habarlama jariialaǵan joq.
Barshańyzdy tek resmi aqparatqa ǵana senýge shaqyramyz! Jańalyqtyń shynaiylyǵyn bizdiń portaldyń kómegimen tekserýge bolady. Ózińizdi qyzyqtyrǵan aqparatty t.me/stopfake_kz Telegram-arnasyn nemese +7 707 739 5599 WhatsApp nómirine jiberińiz.
