Facebook jáne Google óz qyzmetkerlerine jyl sońyna deiin úiden jumys isteýge múmkindik beretinin málimdedi, dep habarlaidy VVS agenttigi.
Facebook 6 shildede karantin jáne shekteý sharalaryn jeńildetý kezinde kompaniia keńseleri ashylatynyn málimdedi.
«Google» kompaniiasynyń atqarýshy direktory Sýndar Pichai (Sundar Pichai) keńsege oralýǵa tiisti qyzmetkerler shilde aiynyń basynda ǵimaratqa kelip jumys istei alatynyn aitty. Bul rette keńselerde aýrýdyń taralýyn boldyrmaý úshin kúsheitilgen qaýipsizdik sharalary engiziletin bolady.
Sondai-aq, ol óz jumysyn úiden istei alatyn qyzmetkerlerdiń kópshiligi jyl sońyna deiin qashyqtan jalǵastyra beretinin atap ótti.
Facebook kompaniiasy da óz jumysyn qashyqtan jasai alatyn kez kelgen adam jyl sońyna deiin osy rejimde jumys istei alady dep habarlady.
Facebook qai qyzmetkerlerden keńsege jumysqa shyǵýdy suraitynyn áli sheshken joq.
Aita ketsek, Facebook kompaniiasy – óz qyzmetkerlerinen qashyqtan jumys isteýge ruqsat bergen IT-kompaniialary arasyndaǵy alǵashqylardyń biri. Kompaniia qyzmetkerlerine 1000 AQSh dollarynan (807 Fýnt sterling) olardyń úidegi jumysy jáne bala kútimi úshin bonýstar tóleidi.
