Facebook kompaniiasy ataýyn Meta dep ózgertti dep habarlady negizin qalaýshy Mark Tsýkerberg. Biraq áleýmettik jeli ataýy sol kúiinde qalady.
"Adamdardy biriktirý – bizdiń basty missiiamyz bolyp qala beredi. Jeliniń brendi ózgertilmeidi. Jańa ataý bizdiń júrip ótken jolymyzdan habar beredi. Endi biz tek ǵana Facebook bolǵymyz kelmeidi. Men kompaniiany metaǵalamshardy ázirleýshi retinde kórgim keledi", – dep túsindirdi Tsýkerberg.
"Metaǵalamshardyń" maqsaty – virtýal álemde adamdardy biriktirip, olar aralasý úshin bar múmkindik jasaý, delingen Meta saitynda.
Kompaniiaǵa Facebook jelisinen basqa WhatsApp, Instagram, Oculus jáne basqa da servister men qosymshalar tiesili.
Kompaniianyń burynǵy qyzmetkeri, kompaniiany synap júrgen Frensis Haýgen ataýdy ózgertýge Facebook jelisinde qoldanýshylar jaily málimetterdiń ashyq tarap ketýi sebep boldy dep sanaidy. Onyń sózinshe, Facebook qoldanýshylar múddesinen buryn óziniń tabysyn biik qoiyp otyr.
2015 jyly Google internet-giganty da kompaniia ataýyn Alphabet dep ózgertti. Biraq ónimderiniń ataýy sol kúii qalǵan.
