Facebook basshysy Mark Tsýkerberg Facebook, Instagram, WhatsApp jáne Messenger jumysyndaǵy aqaýlarǵa qatysty keshirim surady. Buǵan jeli qoldanýshylarynyń reaktsiiasy ártúrli boldy. Keibir adamdar Tsýkerbegtiń keshirimine senbese, ekinshileri ony kelemejdedi. Áleýjeliler aqaýynan lázzat alǵandar da tabyldy, dep habarlaidy QazAqparat Dailymail-ge silteme jasap.
«Facebook, Instagram, WhatsApp pen Messenger qazirgi kezde qaita iske qosyldy. Búgingi jaǵdai boiynsha keshirim suraimyn. Bizdiń serverlerdiń sizder úshin qanshalyqty mańyzdy ekenin túsinemiz», - dedi Tsýkerberg.
Bul tehnikalyq aqaý saldarynan Tsýkerbergtiń dáýleti 7 milliard dollarǵa kemigen.
Kompaniianyń habarlaýynsha, aqaý jańartý saldarynan bolǵan. Qatelikteri bar jańartý negizgi serverlerge jiberilgen. Saldarynan elektrondy injenerlik quraldar men aqparat almasatyn servister zaqymdanyp, tipti esikterdegi elektrondy kulyptar isten shyqqan.
Injenerler serverlerdi qolmen retke keltirý úshin derekterdi saqtaý jáne óńdeý ortalyqtaryna barǵan, alaida ishine kire almaǵan. Másele injenerlerdiń kompaniianyń infraqurylymymen júrgizgen alty saǵattyq arpalysynan keiin baryp sheshildi.
Insaiderdiń aqparatyna sai, kompaniianyń kóptegen qyzmetkeri áli de úiden jumys istep otyr. Sol sebepti olardyń ortalyqtarǵa jetýi biraz ýaqyt alǵan.
Osy oraida Facebook kompaniiasynyń aktsiialary bes paiyzǵa tómendedi. Milliondaǵan qoldanýshy Reddit pen Twitter-ge kóshti.
Dúisenbi kúni kompaniia derekterdi saqtaý jáne óńdeý ortalyqtary arasyndaǵy jelilik trafikti úilestiretin negizgi baǵdarlaýyshtar konfigýratsiiasyndaǵy ózgeristiń atalǵan jaǵdaiǵa sebepshi bolǵanyn túsindirdi.
Ortalyqtar arasyndaǵy satyly effekt saldarynan serverler jumysy toqtaǵan.
Aqaý kompaniia serverlerin qolmen retke keltirý arqyly jóndeldi.
Keshe, dúisenbi kúni kompaniia óziniń Twitter akkaýntynda jumystary Facebook kompaniiasymen bailanysty álemdegi barlyq adamdar men biznesten keshirim surady.
Sonymen qatar Facebook kompaniiasynyń bas tehnikalyq direktory keshirim surady. Kompaniia osy jaǵdaidan 50 milliard dollar joǵaltqan.
