Álemdegi eń tanymal kórikti oryndardyń biri - Eifel munarasy 25 maýsymda kelýshilerge esigin aiqara ashady, dep habarlaidy "Ult aqparat" France 24 resýrsyna silteme jasap.
Eske sala keteiik, munara Frantsiiada kornavirýstyń taralýyna jol bermeý maqsatynda engizilgen karantinge bailanysty úsh aidan astam merzimge jabylǵan bolatyn.
Munara operatorlarynyń aitýynsha, koronavirýs juqtyrmas úshin jáne kelýshiler arasyndaǵy áleýmettik qashyqtyqty saqtaý úshin munaradaǵy liftilerdi ázirge paidalanýǵa tyiym salynǵan. Qonaqtar shyǵys baǵanadan kóterilip, batys baǵanasynan túsiriledi.
Joǵarǵy bóligi ázirge jabyq. Óitkeni kelýshilerdi ekinshi qabattan joǵarǵy qabatqa kóteretin liftiler óte az. Ákimshilik kelýshilerge biletterdi onlain kassadan satyp alýǵa keńes beredi.
Málimdemede aitylǵandai, adamdar belgilengen qashyqtyqta turýy úshin edenge belgi salynady. Qonaqtar maska kiip kelýi kerek. Kún saiyn nysanda tazalaý jáne dezinfektsiia jumystary júrgiziledi.
Covid-19 infektsiiasy taralmas úshin engizilgen karantinnen álemdegi týrister kóp baratyn elderdiń biri Frantsiianyń týrizm indýstriiasy qatty zardap shekti. Elde qonaq úiler, meiramhanalar, murajailar men teatrlar jumysyn toqtatqan bolatyn.
Sonymen qatar, Frantsiia astanasyndaǵy Lývr murajaiy men Versal saraiy siiaqty kórnekti oryndar ýaqytsha jabylǵan-dy.
