Frantsiianyń Konstitýtsiialyq keńesi meiramhana, saýda úilerine, keibir jaǵdailarda aýrýhanalarǵa baryp, sonymen qatar halyqaralyq sapar jasaý úshin «sanitarlyq ruqsatnama» engizýde. Jańa sharalar dúisenbi kúni kúshine enedi, dep habarlaidy "Ult aqparat" Euronews-ke silteme jasap.
Vaktsina saldyrtýǵa qarsy azamattar Marselde taǵy da narazylyq sherýine shyqty.
Manifestanttar meditsinalyq qyzmetkerlerdi mindetti vaktsinalaýǵa qarsylyq bildirdi.
Aýrýhanalardyń birin tekserý barysynda Frantsiianyń Densaýlyq saqtaý ministri Olive Veran «kovid ruqsatnamasynyń» meditsinalyq kómek alýda kedergi bolmaitynyna sendirdi. «Ruqsatnamasy joq adamdardy meditsinalyq kómekten aiyrylmaidy. Biz aýyryp jatqan jáne álsiz adamdar shoǵyrlanǵan oryndarda virýstyń bolmaitynyna senimdi bolǵymyz keledi», - dedi ol.
Osy meztte Ulybritaniia Frantsiiadan kelýshilerge qoldanylatyn sharalardy jeńildetip jatyr. London vaktsina alǵandarǵa karantindi alyp tastady. Saiahatshylar PTR testiniń teris nátijesin kórsetse jetkilikti.
Italiia JOO jáne mektep qyzmetkerlerine, sonymen qatar stýdentterge mindetti «kovid sertifikatyn» engizedi. «Grin-passyz» azamattar poiyz arqyly uzaq jerlerge attanyp, ushaq bortyna kóterile almaidy. Jumadan bastap elde sportzal, murajai, teatrlarǵa jáne terrassalardy qospaǵanda, meiramhanalarǵa barý úshin QR kod iske qosyldy.
