Eýropanyń birqatar eli týrizmniń ekonomika úshin mańyzyn eskerip, shekteý sharalaryn birtindep ala bastady. Koronavirýs indetinen qatty zardap shekken elderdiń biri Italiia 3 maýsymda Eýropanyń ózge aimaǵynan keletin jolaýshylardyń elge kirýine ruqsat berdi. Italiiaǵa barǵan jolaýshylardyń karantinde bolýy shart emes. Buǵan qosa, el aýmaǵynda saiahattaýǵa da ruqsat berildi. Italiia prezidenti Serdjo Mattarella koronavirýs infektsiiasyn juqtyrǵandar men odan qaitys bolǵandar sany azaiǵanmen daǵdarysty áli "eńsergen joqpyz" dep málimdedi.
COVID-19 indetinen qatty zardap shekken elderdiń biri Ispaniia týristerdi elge kirgizý máselesin qarastyryp jatyr.
Italiiada týrizmnen túsetin tabys kólemi jalpy ishki ónimniń - 13 paiyzyn, Ispaniiada 12 paiyzyn quraidy.
Avstriia da týristerge shekteý sharalaryn alyp tastaýdy josparlap otyr. 5 maýsymnan bastap Italiiadan basqa kórshi el azamattarynyń elge kirýine ruqsat jáne olardyń test tapsyrýy jáne karantinde bolýy mindetti emes. Densaýlyq saqtaý ministrligi Italiiamen shekarany maýsym aiynyń sońynda ashýy múmkin ekenin habarlady.
Germaniianyń syrtqy ister ministri Heiko Maas 15 maýsymnan bastap Eýropanyń 29 eline saiahattaý qaýipti degen eskertýdiń kúshi joiylatynyn habarlady. Ministr pandemiia áli aiaqtalǵan joq, týrizmdi damytý indettiń ekinshi tolqynyn týdyrmaýy tiis dedi.
Koronavirýstan 39 myńnan astam adam qaitys bolǵan Ulybritaniiada 8 maýsymnan bastap ózge elderden keletinder mindetti túrde eki apta ózin oqshaýlaý rejimin saqtaýy tiis. Boris Djonson jetekshilik etetin britan ministrler kabineti karantin sharalaryn birtindep azaitatynyn, biraq jaǵdai áli turaqty emes ekenin eskertti.
Amerikalyq Djons Hopkins ýniversitetiniń málimeti boiynsha, álemde koronavirýs juqtyrǵandar sany 6,5 mln-ǵa jýyqtaǵan. 385 myńnan astam adam qaitys bolǵan. 2,7 mln adam jazylǵan.
