Eýrokomissiia synaqtan ótip jatqan COVID-19-ǵa qarsy jańa - «Novavax» vaktsinasyn jetkizý týraly kelisimshartqa qol qoidy, dep habarlaidy "Ult aqparat".
Bul – Eýrokomissiia koronavirýs infektsiiasyna qarsy vaktsina óndirýshilermen jasasqan 7-inshi kelisim.
Atalǵan kelisimshartqa sáikes, EO-ǵa múshe memleketter bastapqyda «Novavax» vaktsinasynyń 100 mln dozasyna deiin satyp ala alady. 2021-2023 jyldar ishinde osy preparatty Eýropalyq dárilik zattar jónindegi agenttik «qaýipsiz jáne tiimdi» vaktsina retinde qarastyryp, bekitkennen keiin taǵy 100 mln dozaǵa qosymsha tapsyrys berý múmkindigi bar.
Sondai-aq, EO-ǵa múshe memleketter vaktsinalardy tabysy tómen jáne ortasha elderge baǵyttai alady nemese basqa Eýropa elderine jibere alady.
2021 jyly dári-dármekter salasyndaǵy eýropalyq organ «Novavax» vaktsinasy boiynsha óz qorytyndysyn jasaidy dep kútilýde.
Amerikanyń «Novavax» kompaniiasy ázirlegen COVID-19-ǵa qarsy NVX-CoV2373 vaktsinasy AQSh pen Meksikadaǵy aýqymdy synaqtar kezinde osy virýsqa qarsy, onyń ishinde onyń ártúrli mýtatsiialaryna qarsy 90% tiimdilikti kórsetken.
