Eýropalyq Odaq (ES) Amerika Qurama Shtattary jáne taǵy bes elden kirýge shekteý engizdi, dep habarlaidy QazAqparat Eýroodaq Keńesiniń saityna silteme jasap.
Qurama Shtattardan basqa, tizimnen Izrail, Livan, Chernogoriia jáne Soltústik Makedoniia alynady.
Sondai-aq tizimnen Kosovo alynǵany týraly bólek kórsetilgen. EO-da Kosovony el emes, «aýmaqtyq bilik» dep ataidy, buǵan Eýropalyq odaqqa múshe elderdiń keibireýleri Kosovony táýelsiz memleket dep tanymaýy sebep.
Bul rette EO Keńesinde basqa elderdiń ózderiniń qaraýy boiynsha vaktsinany tolyq alǵan azamattary úshin saparǵa shekteýlerin alyp tastai alatynyn atap ótti.
Qazirgi kezde mindetti emes sapar jasaý múmkin bolatyn elder men aýmaqtar tiziminde 17 memleket bar, bular: Armeniia, Ázerbaijan, Moldaviia, Ýkraina, Avstraliia, Jańa Zelandiia, Kanada, Iordaniia, Albaniia, Serbiia, Bosniia jáne Gertsegovina, Saýd Arabiiasy, Katar, Brýnei, Singapýr, Ońtústik Koreia jáne Japoniia.
