Euronews telearnasynyń nusqasy boiynsha «Qypshaq» Vengriiada jyl sózi boldy, dep habarlaidy "Ult aqparat".
Táýlik boiy habar taratatyn Euronews telearnasy 2019 jyly Eýropadaǵy eń mańyzdy jáne tanymal sózderge qorytyndy jasady.
Telearna nusqasy boiynsha Vengriiada jyl sózi degen ataýǵa «Qypshaq» sózi laiyq dep tanylypty. Arnanyń aitýynsha, eldiń premer-ministri Viktor Orban Qazaqstannyń birinshi Prezidenti Nursultan Nazarbaevty qypshaqtardyń dosy dep ataǵanda vengrler qatty tańqalǵan. «Qypshaqtar Vengriiada ómir súredi, vengrlerde qypshaqtyń qany bar», - dep atap ótti Vengriia premer-ministri. Bul oqiǵa Orban Túrkitildes memleketterdiń Yntymaqtastyq keńesine barǵan kezde bolǵan.
Euronews málimeti boiynsha, aǵylshyn tilindegi eń tanymal sóz «fatigue» - sharshaý. Tilshiler bul sóz Brexit jaǵdaiyna bailanysty turaqsyzdyqtan sharshaǵan Ulybritaniiadaǵy kóńil kúidi sipattaitynyn aitty.
Euronews Parij Qudai-ana soboryndaǵy órtten keiin Frantsiianyń jyl sózi «restauration» - qalpyna kelý, restavratsiia bolady dep sheshken. Budan bólek, tilshi eýropalyq institýttarǵa el azamattarymen bailanys ornatatyn kez keldi dep esepteidi.
Sonymen qatar, telearna italian, grek, ispan, nemis jáne basqa eýropa tilderindegi eń tanymal sózderdi atady.
