Kóliktegi politsiianyń eki qyzmetkeri esirtki tasymalyna qatysy bolýy múmkin degen kúdikpen ustaldy. Qazirgi ýaqytta sotqa deiingi tergep-tekserý júrgizilip jatyr, dep habarlaidy ult.kz.
Áleýmettik jelilerde taraǵan aqparatqa sáikes, kúdiktiler Aqtóbe oblysynyń Qandyaǵash qalasynda ustalǵan. Aldyn ala málimet boiynsha, olar esirtki tasymalyna qatysty qylmystyq iske bailanysty kúdikke ilingen.
Atalǵan fakti boiynsha Qazaqstan Respýblikasy Qylmystyq kodeksiniń esirtki quraldaryn, psihotroptyq zattardy nemese olardyń analogtaryn ótkizý maqsatynda zańsyz iemdený, saqtaý, tasymaldaý, jóneltý nemese ótkizý babymen qylmystyq is qozǵalǵan.
Qazaqstan Respýblikasy Ulttyq qaýipsizdik komiteti bul aqparatty rastady.
«QR Ulttyq qaýipsizdik komiteti suraýyńyzdy qarastyrdy. Qazirgi ýaqytta sotqa deiingi tergep-tekserý júrgizilip jatyr. Qazaqstan Respýblikasy Qylmystyq-protsestik kodeksiniń 201-babynyń 1-bóligine sáikes ózge aqparat jariia etýge jatpaidy», – delingen UQK bólimshe bastyǵy Oljas Bektenov qol qoiǵan jaýapta.
Eger kúdiktilerdiń kinási sotta dáleldense, olarǵa múlkin tárkilei otyryp, 7 jyldan 12 jylǵa deiin bas bostandyǵynan aiyrý jazasy taǵaiyndalýy múmkin.
