Eshqandai konfessiia vaktsinaǵa qarsy emes. Bul - dintanýshy, ál-Farabi, atyndaǵy QazUÝ aǵa oqytýshysy, filosofiia ǵylymdarynyń kandidaty Janna Qańtarbaevanyń pikiri, dep habarlaidy QazAqparat.
Spikerdiń sózinshe, vaktsinalar – bul ǵylymnyń jetistigi, al álemdik dinder ǵylymdy qoldaidy.
«Kóptegen konfessiialardyń ókilderi vaktsina alýǵa, túrli aýrýǵa qarsy egýge tyiym salmaidy. Jalpy adamzattyń birneshe pandemiiadan qalai aman qalǵanyn bilesizder. Mysaly,1796 jyldyń mamyrynda Edvard Djenner óziniń jumysshylarynyń biriniń segiz jasar ulyna sheshekke qarsy vaktsina saldy. Sol kezde de vaktsinaǵa senimsizdik bildirgen dini birlestikter boldy. Alaida, vaktsinaǵa qarsy pikirlerge qaramastan, ǵalymdardyń jetistikteriniń arqasynda sheshek derti joiyldy», - dedi dintanýshysy.
Janna Qańtarbaeva dintanýshylar únemi meditsinalyq mamandarmen keńesetinin atap ótti.
«Bizdiń dárigerler kún saiyn osyndai máselelermen betpe-bet keledi. Árine, bul baǵytta keshendi jumystar júrgizilýde. Biz psihologtarmen jumys jasaimyz, dini toptardyń kózqarasyn ózgertemiz», - dedi spiker.
Dintanýshynyń aitýynsha, antivakserler óz ideiasyn din arqyly nasihattaidy.
«Olar esirtki men vaktsinaǵa qatysty haram men halal terminderin qoldanady. Eń úlken qaýip emdelýmen ainalysatyndar jáne emdeýdiń dástúrli emes túrine shaqyratyndar. Meniń aitatynym, tek vaktsina ǵana koronavirýstyń aldyn alady»,- dedi Janna Qańtarbaeva.
Ol dindarlardy musylmandardyń dini basqarmasy men Orys pravoslavie shirkeýiniń ókilderi rastaǵan aqparatty ǵana tyńdaýǵa shaqyrdy.
«Bizde ózimizdiń jáne ózgelerdiń ómirin saqtaýǵa tolyq múmkindik bar. Osy múmkindikti barynsha tiimdi paidalaný qajet. Sondyqtan men adamdardy qaýipti infektsiiadan qorǵaný úshin vaktsinalanýǵa shaqyramyn», - dep qorytyndylady ol.
