QR Ishki ister ministrligi mártebesi rettelmegen jáne qujaty joq 6 myńnan astam adamǵa kómek kórsetti. Bul týraly QR Ishki ister ministrliginiń resmi ókili Nurdildá Oraz aitty, dep habarlaidy QazAqparat.
«Qazirgi ýaqytta ministrlik mártebesi rettelmegen jáne jeke basyn kýálandyratyn qujattary joq, azamattyǵy joq 6 myńnan astam adamǵa kómek kórsetti. Jeke kýálikpen 5 myńǵa jýyq (4 969) adam qujattaldy. Onyń ishinde 3357 adam QR azamaty, 1612 esh azamattyǵy joq adamǵa QR azamattyǵy berildi», - dedi Nurdildá Oraz Ishki ister ministrligi uiymdastyratyn aptalyq brifingide.
Resmi ókildiń aitýynsha, taǵy 1357 adamǵa qatysty azamattyqty rastaý rásimi aiatalýǵa jaqyn.
«Ishki ister ministrligi elimizdegi azamattyǵy joq adamdardyń máselesin túpkilikti sheshýge umtylysty eskerip, mártebesi rettelmegen jáne jeke basyn kýálandyratyn qujaty joq adamdardy anyqtaý aktsiiasyn 2022 jyldyń mamyryna deiin uzartý týraly sheshim qabyldady», - dedi Nurdildá Oraz.
