Erjan Maksim Bakýde «Qys 2019» úshinshi halyqaralyq balalar festivaliniń gala-kontsertinde All by myself kompozitsiiasyn oryndap, kórermenderdi tánti etti, - dep habarlaidy «Ult aqparat».
Kontsert aldynda qyzyl kilemmen júrip ótken Erjan tilshilerdiń suraqtaryna jaýap berdi. Atap aitqanda, ol Mýslim Magomaevty óte jaqsy kóretinin jáne onyń otanynda óner kórsetkenine qýanyshty ekenin aitty.
Erjanǵa qoldaý bildirýge Bakýde turyp jatqan qazaqstandyqtar, Ázerbaijandaǵy QR diplomatiialyq ókildiginiń basshylyǵy men qyzmetkerleri keldi.
Eske sala ketsek, «Qys 2019» halyqaralyq balalar festivali biyl úshinshi márte ótkizilip otyr. Oǵan ázerbaijandyq balalardan basqa Erjan Maksim (Qazaqstan), Mariia Magilnaia (Belarýs), Daniil Kýpch (Qazaqstan), Varvara Koshevaia (Ýkraina), Klara Rot (Frantsiia), Higgins-Hýmes Rafael men Kroý Shagýan (Ulybritaniia) qatysty.
