Almaty ákiminiń orynbasary Erjan Babaqumarov «Kókjailaý» jobasyn iske asyrýǵa qatysty áleýmettik jelilerde taraǵan aqparatqa túsinikteme berdi, dep habarlaidy "Ult aqparat".
Qala ákimdiginen málim etkendei, Almaty biligi Memleket basshysy Qasym-Jomart Toqaevtyń «Kókjailaýǵa» qatysty tapsyrmalaryn ustanady.
«Búgin «Kókjailaýǵa» qatysty birqatar jazbalar paida boldy. Alyp-qashpa áńgimeler bolmaýy úshin týrasyn aitaiyn, el Prezidenti Qasym-Jomart Toqaevtyń kýrort qurylysyn keiinge qaldyrý jóninde tapsyrmasy bar. Ákimdik osy tapsyrmany ustanady. Ózgeleri qaralmaidy ári talqylanbaidy», - dep keltirilgen E.Babaqumarovtyń sózi ákimdiktiń Instagram-daǵy paraqshasynda.
Buǵanǵa deiin jýrnalist Vadim Boreiko Facebook-tegi paraqshasynda «Kókjailaý» taý-shańǵy kýrortty aimaǵynyń qurylysy 2020 jyly bastalýy múmkin ekenin jazdy. Onyń aitýynsha, mundai málimetter týristik salany damytýdyń 2019-2025 jyldarǵa arnalǵan baǵdarlamasynda bar. Qujat Úkimettiń 2019 jylǵy 31 mamyrdaǵy Qaýlysymen bekitilgen.
Eske salaiyq, Qazaqstan Prezidenti Qasym-Jomart Toqaev «Kókjailaý» taý-shańǵy kýrortynyń qurylysyn keiinge qaldyrýdy usynyp, ol boiynsha tiisti sheshim qabyldanǵan bolatyn.
