2019 jyldyń 25 maýsymynda Nur-Sultan ýaqyty boiynsha 8 saǵat 48 minýtta basqarylatyn kóliktik «Soiýz MS-11» apparatynyń qondyrylýy kútilýde, dep habarlaidy "Ult aqparat".
Roskosmos baspasóz qyzmetiniń derekterine qaraǵanda, reseilik ǵaryshker Oleg Kononenko men ǵaryshker Enn Makklein (NASA) jáne Devid Sent-Jak (Kanada ǵarysh agenttigi) kapsýlasy Qazaqstannyń Jezqazǵan qalasynan ońtústik-shyǵysqa qarai 140 km jerde qonýy kerek.
«Soiýz MS-11» ǵarysh kemesiniń halyqaralyq ekipajynyń izdestirý-qutqarý jumystaryn qamtamasyz etetin Ortalyq áskeri okrýgi (OÁO) meteorologtarynyń habarlaýynsha, qoný josparlanǵan aýmaqta aýa raiy jaýyn shashynsyz, bulttylyqtyń tómengi shegi - 2000 m, aýa temperatýrasy + 30 gradýstan sál joǵary bolady.
Izdestirý-qutqarý jumystaryna Ortalyq áskeri okrýginiń 200-ge jýyq áskeri qyzmetkeri, 12 Mi-8 tikushaǵy, tórt ushaq (An-12 jáne An-26) jáne 20 tehnika, sonyń ishinde alty izdeý-evakýatsiialaý quraldary tartylady.
