Aqmola oblysynyń ákimi Ermek Marjyqpaev Qazaqstan men Reseidiń aimaqaralyq yntymaqtastyq forýmyna daiyndyq sheńberinde salynyp jatqan jol-kóliktik infraqurylym jáne turǵyn úi-kommýnaldyq sharýashylyǵy nysandarynyń qurylys jumystarymen tanysty, dep habarlaidy "Ult aqparat" ákimdiktiń baspasóz qyzmetine silteme jasap.
Vedomstvonyń málimetinshe, Nazarbaev dańǵylyndaǵy kósheni jańǵyrtý qalanyń ortalyq kóshelerindegi kólik qozǵalysyn birshama azaitýǵa kómektesedi. Munda Abai jáne S.Júnisov kósheleriniń qilysar tusyndaǵy joldyń tas jamylǵysy jaqsartylyp, tórt baǵyttaǵy jol aiyryǵy salynýda.
Jol jóndeý jumystarymen tanysqan aimaq basshysy merdigerlerdiń sylbyr qimylynan qala turǵyndaryna qatynaý qiyndyq týǵyzyp otyrǵanyn synǵa aldy.
«Búkil qalada keptelis. Munyń sizderge qatysy joq siiaqty. Eki aýysymǵa kóship, jumysty shiratý qajet», - degen Ermek Marjyqpaev qala basshylyǵy men merdigerlerge Nazarbaev dańǵylynyń S.Júnisov kóshesimen qiylysar tusynda jol aiyryǵyn salý jáne asfalt tóseý jumystaryn qyrkúiektiń 20-na deiin aiaqtaýdy tapsyrdy.
Osy kúni Qopa kóliniń jaǵalaýynda qurylys jumystary bastaldy. Qala ákimi Amangeldi Smaiylovtyń aitýynsha, Qylshaqty ózeni arqyly salynatyn jańa kópirdiń mańyna qum tóseý jumystary aiaqtalǵan. Jaqynda burǵylaý jumystary júrgizilip, diametri 1,5 metr beton qazyǵyn qaǵý josparlanǵan.
Sonymen qatar, oblys ákimi «Kóktem» shaǵynaýdanyndaǵy injenerlik jeli magistralynyń qurylysy, NPS kóshesinen qalalyq jylý qazandyǵyna deiingi aralyqtaǵy jylý magistraly, «Vasilkovka» jáne «Tsentralnyi» shaǵynaýdandary aralyǵyndaǵy kóshelerde júrgizilip jatqan ortasha jóndeý jumystaryna nazar aýdardy. Merdigerlerge ár nysannyń mańyzyn túsindire kele, qurylys jáne jóndeý jumystaryn sapaly ári kestege sai júrgizýdi tapsyrdy.
