Qaraǵandy oblysynyń ákimi Erlan Qoshanov apparattyq jinalysta Prezident Qasym-Jomart Toqaevtyń óńirimizge jasaǵan jumys saparynyń qorytyndysy boiynsha birqatar tapsyrmalar berdi, dep habarlaidy "Ult aqparat" óńir basshysynyń resmi saityna silteme jasap.
Tapsyrmalar oblystyń indýstriialyq-innovatsiialyq jáne áleýmettik damýyna qatysty boldy. «Saryarqa» EEA-na sapar barysynda Memleket basshysy óńdeýshi ónerkásip kólemin arttyrý jáne eksporttaýshylarǵa servistik qoldaý kórsetý qajettigin atap ótti.
- Bizge qarapaiym zattar ekonomikasy salasynda jumysty jalǵastyrý kerek. Bul qazirgi tańda erekshe nazardy talap etetin basym baǵyt. Jobalyq keńseniń jumysyn kúsheitýdi, maquldanǵan jobalardyń sanyn arttyrýdy tapsyramyn. Jańa jobalardy izdeńizder jáne óńdeńizder. Ár kásipkermen jeke jumys isteý kerek. Memleket basshysy bizdiń strategiialyq áriptesimiz – Germaniia ekenin atap ótti. Bizde nemis investorlary bar. Solarmen jumys isteńizder, - dep tapsyrdy Erlan Qoshanov.
Aimaq basshysy Qaraǵandy oblysy óńirlik básekelestiktegi kóshbasshylardyń biri bolýy tiis ekenin atap ótti.
Qasym-Jomart Toqaev Qaraǵandyda salynyp jatqan «Alfarýh» kóterme-logistikalyq ortalyǵynda bolyp qaitty. Nysannyń ashylýy óńirdegi azyq-túlik taýarlarynyń qunyn tasymaldaýǵa jumsalatyn shyǵyndardy qysqartý esebinen azaitýǵa múmkindik beredi. Memleket basshysy jobanyń mańyzdylyǵy men ózektiligin baǵalady.
- Belsendi jáne sapaly marketingtik jumys júrgizýdi óndirýshilerge bizdiń ortalyq týraly aitýdy tapsyramyn. Qajet bolsa, olardy osynda shaqyryńyzdar, tusaýkeserler ótkizińizder.
Jinalysta oblys ákimi sondai-aq mindetti meditsinalyq saqtandyrý júiesine kóshýge daiyndyqty kúsheitý qajettigin atap ótti. Qaraǵandy oblysynda atalmysh júie birinshi qyrkúiekten bastap pilottyq rejimde engiziledi.
Sondai-aq Erlan Qoshanov osy jyldyń birinshi jeltoqsanyna deiin Qaraǵandynyń jańa ortalyǵyn damytýdyń tolyq strategiiasyn pysyqtap, usynýdy tapsyrdy.
