Qazaqstan halqynyń birligi - áralýandyqta. Búgin Nur-Sultan qalasyndaǵy Dostyq úiinde ótken jiynda QR PÁ QHA hatshylyǵy meńgerýshisiniń orynbasary Erlan Abdaqasov osylai dedi, - dep habarlaidy «Ult aqparat».
Erlan Abdaqasov óz sózinde elimizde turyp jatqan ártúrli ulttyń tutastyǵy men birligi elimizdiń ereksheligi ekenin atap ótti. Bul týraly búgin Qazaqstan halqy Assambleiasynyń qoldaýymen «Nur Otan» Qoǵamdyq saiasat institýty QR AQDM Qoldanbaly etnosaiasi zertteýler institýtymen birlesip, «Etnosaralyq kelisim saiasaty: birligimiz áralýandyqta» taqyrybynda Jalpyrespýblikalyq ǵylymi-praktikalyq konferentsiiada aityldy.
«Barshańyz bilesizder, Qazaqstan halqy Assambleiasy elimizdiń birtustatyǵy úshin qyzmet etip keledi. Ózderińiz baiqaǵandai, búgingi ótip otyrǵan sharanyń negizgi maqsaty sarapshylar qaýymdastyǵyn aǵymdaǵy protsesterdi, mádeni áralýandyqty damytýdyń zamanaýi trendterin jáne interkýltýralizm saiasatyn talqylaýǵa tartý jáne ult birligin nyǵaitýǵa baǵyttalǵan usynystar men usynymdar ázirleý. Iaǵni elimizde qansha halyq, qansha ult ómir súrse de, tatýlyq pen birlikti nasihattaýdan sharshamaimyz. Bul bizdiń mindetimiz ǵana emes, azamattyq boryshymyz da ekenin umytpaǵaisyzdar», - QR PÁ QHA hatshylyǵy meńgerýshisiniń orynbasary Erlan Abdaqasov.
Atalǵan sharaǵa memlekettik organdar, qazaqstandyq ǵylymi-sarapshylyq qoǵamdastyq músheleri, etnosaralyq qatynastar salasynda mamandanǵan Resei, Ýkraina jáne t.b. elderiniń sarapshylary qatysty. Sonymen qatar, QR Parlament Májilisiniń depýtaty Sarym Aidos, Berik Abdiǵaliuly jáne QR AQDM Etnosaralyq qatynastardy damytý komitetiniń tóraǵasy Shoikin Ǵalym Nurmaǵambetuly alǵy sóz sóiledi.
«Ulttyq máselelerdi depýtat bolmai turyp, saiasattanýshy retinde de jii kóteretinbiz. Al búginde Májilis minberinen ulttyń, ulttardyń, halyqtyń sózin sóileýge, máselelerin kóterip, sheshýge múmkindik aldyq. Qazaqstan kópultty memleket bolǵanymen, bir shańyraq astynda, yntymaǵy men birligi jarasqan úlken memleketke ainaldy. Al Táýelsiz Qazaqstannyń búgingi jetistigine árbir azamatynyń qosqan úlesi zor dep bilemin. Bizdiń endigi mindet halyqtyń tatýlyǵy men jarasqan yntymaǵyn odan ári saqtap, nasihattai berý. Al qalǵany sizder men bizderdiń qolymyzda», - dedi QR Parlament Májilisiniń depýtaty Aidos Sarym.
Sonymen qatar, konferentsiia aiasynda azamattyq qoǵamnyń damýy, qazaqstandyqtardyń barlyq urpaqtarynyń azamattyq sanasy men patriottyq seziminiń ósýi, ulttyq etnosaiasat máseleleri, birlik pen kelisimdi nyǵaitý, yntymaqtastyq pen toleranttylyq, dostyq pen ózara kómek dástúrleri, sondai-aq etnosaralyq qatynastar salasyndaǵy praktikalyq mindetterdi sheshýdiń ádisnamasy men ádistemesin ázirleý máseleleri talqylandy. Konferentsiia qorytyndysy boiynsha qatysýshylar pikirlerimen jáne usynystarymen almasty.
Esterińizge sala keteiik, búgin Nur-Sultan qalasyndaǵy Dostyq úiinde Qazaqstan halqy Assambleiasynyń qoldaýymen «Nur Otan» Qoǵamdyq saiasat institýty QR AQDM Qoldanbaly etnosaiasi zertteýler institýtymen birlesip, «Etnosaralyq kelisim saiasaty: birligimiz áralýandyqta» taqyrybynda Jalpyrespýblikalyq ǵylymi-praktikalyq konferentsiia ótti. Atalǵan sharaǵa memlekettik organdar, qazaqstandyq ǵylymi-sarapshylyq qoǵamdastyq músheleri, etnosaralyq qatynastar salasynda mamandanǵan Resei, Ýkraina jáne t.b. elderiniń sarapshylary qatysty.
