Aqtóbede politsiia qyzmetkerleri akter ári jaýynger Erkebulan Toqtarǵa kólik tizgininde qaýipsizdik beldigin taqpaǵany úshin ákimshilik hattama toltyrdy, dep habarlaidy ult.kz.
Akter tártip saqshylarynyń áreketine túsinistikpen qarap, aiyppulǵa esh qarsylyq bildirmedi. Kerisinshe, ázildep: «Osy kerek! Ókimetke de berip turaiyq!» dep kúldi.
Oqiǵa kezinde qasyndaǵy serigi Erkebulan Toqtardyń óńirge qonaq bolyp kelgenin aityp, politsiiadan eskertýmen ǵana shektelýdi suraǵandai boldy. Alaida akter mundai usynysqa birden qarsy shyqty.
«Kerek emes. Bul aiaqtan shalý emes. Bul – zań. Qaita buǵan qýanyp turmyn. Kórdi de, birden keldi. Hattamasyn jazyp jatyr. Bul – zańnyń bárine birdei jumys isteitininiń belgisi. Kim bolsań da, zań aldynda bári teń. Politsiia óz jumysyn atqaryp jatyr. Men ózim oilanbai qalyppyn», – dedi Erkebulan Toqtar.
Hattama rásimdelgennen keiin akter politsiia qyzmetkerlerimen qol alysyp, birge sýretke túsip, rizashylyǵyn bildirip qoshtasty.
