Elordada sýretke túspek bolǵan eresek eki er adam kópirdiń arkasyna shyǵyp ketken, dep habarlaidy "Ult aqparat" qalalyq PD baspasóz qyzmetine silteme jasap.
Vedomstvonyń habarlaýynsha, búgin túnde 00:28-de politsiianyń «102» pýltine kýágerden belgisiz eki adam mas kúiinde Qabanbai batyr dańǵylynyń Ramstor jaǵyndaǵy kópirdiń arkasyna shyǵyp jatqany týraly qońyraý túsken. Oqiǵa ornyna Nur-sultan qalasy PD Patrýldik politsiia polkiniń qyzmetkerleri dereý kelgen. Politseiler bul faktini rastady. Tártip saqshylary mas kúiindegi 33 jáne 34 jastaǵy eki er adamdy ustady.
Jigitterdiń ózderi túsindirgendei, olar túngi Nur-Sultan qalasynyń kórinisimen bólisip, erekshe sýret túsirmek bolǵany úshin osyndai áreketke barǵan.
Mundai áreketteri úshin olar politsiiaǵa jetkizilip, narkologiialyq dispanserde tekserýden ótti. Ustalǵandardyń ekeýi de QR ÁQBtK-niń 440-baby 1-tarmaǵy boiynsha ákimshilik jaýapkershilikke tartylyp, 5 AEK mólsherinde aiyppul salyndy.
Sondai-aq, tártip saqshylary ustalǵan azamattarmen qoǵamdyq tártipti saqtaý boiynsha profilaktikalyq áńgime ótkizdi.
Qala turǵyndarynyń qyraǵylyǵynyń arqasynda jigitterdiń bul áreketi qaiǵyly jaǵdaimen aiaqtalǵan joq.
