Erekshe muqtajdyǵy bar balalarǵa bilim sharalaryn qarjylandyrýdyń jan basyna shaqqandaǵy normativi eki ese ulǵaidy. Bul týraly Memleket basshysynyń kómekshisi Erlan Qarin Telegram kanalynda jazdy, habarlaidy QazAqparat.
«Ulttyq qoǵamdyq senim keńesiniń 25 aqpandaǵy besinshi otyrysynda Memleket basshysy erekshe qajettilikteri bar balalardy qoldaý boiynsha birqatar tapsyrmalar berdi. Qazirdiń ózinde sol tapsyrmalardyń bir bóligi iske asyryldy. Atap aitsaq, erekshe bilim berý qajettilikteri bar balalardy qarjylandyrýdyń buryn qoldanylǵan jan basyna shaqqandaǵy normativi eki esege ulǵaidy», - dep jazdy Prezident kómekshisi.
Sondai-aq, ol 26 maýsymda «Qazaqstan Respýblikasynyń keibir zańnamalyq aktilerine inkliýzivti bilim berý máseleleri boiynsha ózgerister men tolyqtyrýlar engizý týraly» QR Zańy qabyldanyp, erekshe muqtajdyǵy bar balalardy oqytýda arnaiy psihologiialyq-pedagogikalyq qoldaý boiynsha memlekettik tapsyrysty iske asyratyn normalar bekitilgenin eske saldy.
«Memlekettik tapsyrys 2022 jylǵy 1 qyrkúiekten bastap iske asyrylady. Kórsetilgen norma erekshe muqtajdyǵy bar balalardy ýaqytyly qoldaýmen qamtýdyń kaýqymyn keńeitedi. Sonymen qatar, osy Zań sheńberinde bilim berý qyzmetterin kórsetý salasynda jańa tásilder ázirlenip, bekitildi. Atap aitqanda, jalpy bilim beretin mektepter men balabaqshalarda erekshe muqtajdyǵy bar balalardy psihologiialyq-pedagogikalyq súiemeldeýdiń arnaiy qyzmetteri qurylatyn bolady. Bul Ulttyq keńes aiasynda júzege asyrylǵan úlken jumystyń bir bóligi ǵana», - dep jazady Erlan Qarin.
Onyń aitýynsha, Ulttyq keńestiń bastamalaryn iske asyrý aiasynda 80-nen astam normativtik-quqyqtyq akti, onyń ishinde 19 zań qabyldanǵan.
