Almatyǵa jumys sapary barysynda QR Premer-Ministriniń orynbasary Eraly Toǵjanov «Ulttyq rýhani jańǵyrý» ulttyq jobasyn talqylaý boiynsha ǵylymi-shyǵarmashylyq ziialy qaýymmen kezdesý ótkizdi.
Bul týraly QazAqparat QR Úkimeti janyndaǵy Qazaqstanda koronavirýstyń taralýyna jol bermeý jónindegi vedomstvoaralyq komissiiasynyń Telegram kanalyna silteme jasap habarlaidy.
Kezdesýge shyǵarmashylyq jáne akademiialyq salanyń, Qoǵamdyq keńestiń, Qazaqstan halqy jáne Jastar assambleiasynyń ókilderi, sondai-aq Aqparat jáne qoǵamdyq damý ministri Aida Balaeva, Mádeniet jáne sport ministri Aqtoty Raiymqulova, Almaty qalasy ákiminiń orynbasary Erjan Babaqumarov, Bilim jáne ǵylym birinshi vitse-ministri Sholpan Karinova qatysty.
Memleket basshysy Qasym-Jomart Toqaevtyń «Ulttyq jobalar tizbesin bekitý týraly» Jarlyǵymen bekitilgen ulttyq qundylyqtar men dástúrlerdi, mádeni deńgeidi arttyrý jáne zamanaýi qoǵamdy rýhani jetildirý, QR Tuńǵysh Prezidenti-Elbasy Nursultan Nazarbaevtyń baǵdarlamalyq maqalasynda kórinis tapqan «Rýhani jańǵyrý» qundylyqtaryn jáne «Ulttyq rýhani jańǵyrý» ulttyq jobasyn ilgeriletý máselelerine nazar aýdaryldy.
Búginde elimizde 10 naqty ulttyq joba belgilengen, onyń ishinde «Ulttyq rýhani jańǵyrý» jobasy da bar. Jobanyń maqsaty – ulttyq-mádeni biregeilikti saqtaý jáne mádeni ónimderdi yntalandyrý, olardyń sapasy men alýan túrliligin arttyrý arqyly árbir qazaqstandyqtyń kórkemdik-shyǵarmashylyq áleýetin iske asyrý, jas urpaqtyń boiynda rýhani adamgershilik qundylyqtardy qalyptastyrý, sondai-aq memlekettik tildiń qoldanylý aiasyn keńeitý, otandyq mádeni ónimderdi ilgeriletý, onyń ishinde biryńǵai elektrondyq platforma qurý arqyly «e-culture.kz» ulttyq jobalardy iske asyrý ekonomikanyń ornyqtylyǵy men básekege qabilettiligin odan ári arttyrýdyń, qazaqstandyqtardyń ómir súrý sapasyn jaqsartýdyń faktoryna ainalady.
Almatyda «Rýhani jańǵyrý» baǵdarlamasy aiasynda aǵymdaǵy jyldyń 9 aiynda 347 joba júzege asyryldy. «Uly dalanyń jeti qyry» maqalasy aiasynda 80-nen astam is-shara júzege asyryldy, olardyń kópshiligi dalanyń uly tarihi qairatkerleriniń ómirin, murasyn nasihattaý boiynsha ótti. Kitaphanalar bazasynda «Uly dalanyń uly esimderi» arnaiy jobasyn qamtityn 105 damytý úiirmesi jumys isteidi. «Jańa gýmanitarlyq bilim. Qazaq tilindegi 100 jańa oqýlyq». Jańa arnaiy jobalardy iske asyrý bastaldy: pragmatizmdi, utymdy daǵdylardy tárbieleýge, mádeni murany zerdeleýge jáne t.b. baǵyttalǵan 67 is-shara ótkizildi, sonymen qatar, qalanyń barlyq kolledjderi men kóptegen mektepterinde «Rýhani jańǵyrý» baǵdarlamasy aiasynda jeke tulǵany damytýǵa baǵyttalǵan is-sharalardy ótkizýge jaýapty tulǵalar anyqtaldy (patriotizmdi tárbieleý, shyǵarmashylyq áleýetti arttyrý jáne t. b.).
Kezdesýge qatysýshylar óz sózderinde mádeni infraqurylymdy odan ári damytý, ulttyq qundylyqtardy media ónimder men kinonyń túrli formattarynda ilgeriletý, memlekettik tilde bilim berý kontentin arttyrý jáne t. b. máseleler boiynsha birqatar usynystar aitty.
Talqylaýǵa QR Jazýshylar odaǵynyń tóraǵasy Ulyqbek Esdáýlet, QR Kinematografister odaǵynyń basqarma tóraǵasy Ermek Tursynov, «Qazaqstandyq avtorlyq qoǵam» RQB tóraǵasy, QR Kompozitorlar odaǵynyń qurmetti tóraiymy Balnur Qadyrbek, M. Áýezov atyndaǵy Qazaq memlekettik akademiialyq drama teatrynyń direktory Erkin Jýasbek, Sh. Ýálihanov atyndaǵy Tarih jáne etnologiia institýtynyń direktory Ziiabek Qabyldinov, Jazýshylar odaǵynyń múshesi Smaǵul Elýbaev, M. Lermontov atyndaǵy Ulttyq akademiialyq orys drama teatrynyń direktory Iýrii Iakýshev, Abai atyndaǵy Qazaq ulttyq pedagogikalyq ýniversitetiniń eks-rektory Takir Balyqbaev, lingvist Anar Fazyljan qatysty. Óz kezeginde, memlekettik organdar ókilderi «Ulttyq rýhani jańǵyrý» ulttyq jobasy aiasyndaǵy jumystyń negizgi baǵyttaryn túsindirip, kóterilgen máselelerge túsinikteme berdi.
Kezdesý sońynda Eraly Toǵjanov ǵylymi-shyǵarmashylyq ziialy qaýym ókilderine mádeni quramdas bólikti damytýǵa, eldiń shyǵarmashylyq áleýetin arttyrýǵa qosqan úlesi úshin alǵys bildirip, memlekettik organdarǵa ulttyq jobalardy, onyń ishinde kezdesý barysynda aitylǵan usynystardy eskere otyryp, sapaly iske asyrý úshin ózara is-qimyldy kúsheitý jóninde birqatar tapsyrmalar berdi.
