Máskeýdiń shyǵys aýdanynda asa aýyr qylmys tirkeldi. Aldyn ala málimet boiynsha, er adam týǵan qaryndasyn óltirip, keiin qylmystyń izin jasyrý maqsatynda máiitin bólshektegen, dep habarlaidy ult.kz.
Reseilik BAQ-tyń málimetinshe, áieldiń dene bólikteri páterden tabylǵan paketterdiń ishinen anyqtalǵan. Oqiǵaǵa bailanysty marqumnyń týǵan aǵasy kúdikke ilinip, quqyq qorǵaý organdary ony ustady.
Tergeý barysynda kúdikti qaryndasymen arada turmystyq janjal bolǵanyn jáne sol kezde ony óltirgenin aitqan. Keiin ol máiitti bólshektep, dene bólikterin paketterge salyp qoiǵanyn moiyndaǵan.
Qazirgi ýaqytta er adam qamaýǵa alyndy. Oǵan adam óltirý faktisi boiynsha qylmystyq is qozǵalyp, tergeý amaldary júrgizilýde. Quqyq qorǵaý organdary oqiǵanyń barlyq mán-jaiy men qylmystyń naqty sebepterin anyqtap jatyr.
Atalǵan jantúrshigerlik oqiǵa qoǵamda úlken rezonans týǵyzyp, áleýmettik jelilerde keńinen talqylanýda.
