Qazaqstanda sońǵy 3 apta boiy epidemiologiialyq ahýaldyń birtindep turaqtalýy baiqalady. Bul týraly Úkimet otyrysynda QR Densaýlyq saqtaý ministri Aleksei Tsoi málim etti, dep habarlaidy "Ult aqparat"
«Qazaqstanda 18 tamyzǵa deiin COVID-19-dyń oń nátijesimen 708 379 jáne KVI teris nátijemen 66 381 naýqas tirkelgen. Túrkistan oblysynan basqa barlyq óńir «qyzyl» aimaqta tur. Qazaqstanda sońǵy 3 apta boiy epidemiologiialyq ahýaldyń birtindep turaqtalýy baiqalady. Bir aptada ortasha eseppen shamamen 53 myń jaǵdai tirkeledi. 1 tamyzdan beri koronavirýs infektsiiasynyń taralý indeksi Qazaqstanda 14 paiyzǵa qysqaryp, 1,11-den 0,97-ge tómendedi», - dedi ministr.
Onyń dereginshe, infektsiialyq tósek-oryndardyń júktemesi 53, al reanimatsiialyq tósek-oryndardyń júktemesi 47 paiyzdy qurap otyr.
«Tósek-oryndardyń eń joǵary júktemesi Aqtóbe oblysynda – 69, qyzylorda oblysynda – 66, al Almaty oblysynda 64 paiyzdy quraidy», - dedi Aleksei Tsoi.
