QR Premer-Ministri Asqar Maminniń tóraǵalyǵymen ótken Úkimet otyrysynda energetika ministriniń birinshi orynbasary Mahambet Dosmuhambetov jáne birqatar óńirdiń ákimderi jylytý maýsymyna daiyndyq týraly baiandady, dep habarlaidy "Ult aqparat".
«Jalpy alǵanda, Qazaqstannyń Biryńǵai elektr energetikalyq júiesi Resei Federatsiiasy men Ortalyq Aziia elderiniń energiia júielerimen qatar shtattyq rejimde jumys isteýde. Aǵymdaǵy jyldyń 19 qyrkúiegindegi jaǵdaiǵa sáikes Respýblika boiynsha elektr energiiasyn tutyný 73,1 mlrd kVts qurady, bul ótken jyldyń deńgeiinen 1,7%-ǵa artyq.
Energetika ministriniń birinshi orynbasarynyń aitýynsha, energiia kásiporyndaryn kúzgi-qysqy kezeńge daiyndaý bekitilgen jóndeý kestelerine sáikes júrgizilýde.
Búginde 11-den 5 energoblokta jóndeý júrgizildi, bul jyldyq kólemniń 45%-yn quraidy, 63-ten 40 qazandyqta, bul jyldyq kólemniń 63%-yn quraidy jáne 46-dan 23 týrbinada jóndeý jumystary júrgizildi, bul jyldyq kólemniń 50%-yn quraidy. Jóndeýdiń ártúrli kezeńinde 4 energiia blogynda, 28 qazanda jáne 18 týrbinada jumystar júrgizilýde.
Elektr jelileri boiynsha 21 myń km elektr berý jelileri men 1152 shaǵyn stantsiiaǵa jóndeý júrgizildi, bul jyldyq jospardyń tiisinshe 84% jáne 92%-yn quraidy.
Aldaǵy jylytý maýsymyna daiyndyq úshin ortalyqtandyrylǵan jylýmen qamtý aimaǵynda 459 qazandyqtyń 428 qazandyǵyna jóndeý júrgizildi, bul jyldyq jospardyń 93% quraidy», — dedi M. Dosmuhambetov.
Sonymen qatar, M. Dosmuhambetov otynmen qamtamasyz etý jaǵdaiy týraly aityp berdi. Aǵymdaǵy jylǵy 19 qyrkúiektegi jaǵdai boiynsha energiia kózderi qoimalarynda kómir qory 4 mln tonna kómirdi quraidy, bul ótken jylǵy deńgeiden 15%-ǵa artyq jáne 101,9 myń tonna mazýt, bul ótken jylǵy kórsetkishten 23%-ǵa artyq.
«Energetika ministrligi qosylǵan qun salyǵy esebimen 100 myń teńge baǵasymen 277 myń tonna kóleminde «áleýmettik» mazýtty jetkizý boiynsha kesteni bekitip, óńirlerge joldady.
Ministrlik ortalyq jáne jergilikti atqarýshy organdarmen birlesip aldaǵy jylytý maýsymynyń turaqty ótýine daiyndaý boiynsha turaqty jumys júrgizýde. Óńirler ákimdikteri energiia kózderinde josparlanǵan barlyq jóndeý jumystaryn belgilengen merzimde aiaqtaýdy baqylaýǵa alýdy jáne energiia kásiporyndarynyń bar bereshekterin tolyq kólemde óteýdi qamtamasyz etýi qajet», — dep túiindedi M. Dosmuhambetov.
Óńirlerdiń aldaǵy jylytý maýsymyna daiyndyǵy týraly Batys Qazaqstan oblysynyń ákimi Ǵ. Esqaliev, Aqtóbe oblysynyń ákimi O. Orazalin jáne Nur-Sultan qalasynyń ákimi A. Kólginov baiandady.
Óz kezeginde QR Premer-Ministriniń orynbasary Roman Skliar ákimdikter injenerlik jáne áleýmettik infraqurylymnyń nysandaryn jóndeý jumystaryn aiaqtap jatqanyn atap ótti. Turǵyn úi-kommýnaldyq qajettilikterge jáne turǵyndarǵa qajet kómir men mazýt qoryn daiyndaý josparǵa sáikes júrgizilip jatyr. R. Skliar keibir bilim berý, densaýlyq saqtaý mekemeleriniń, sondai-aq turǵyn úi nysandarynyń kesteden artta qalýyna bailanysty máselelerdi sheshý qajettigin atap ótti. Bul máseleler QR Úkimetiniń turaqty baqylaýyna alynǵan.
