Bul usynysqa depýtat Albert Raýǵa kúmán keltirdi.
"Qandai halyqaralyq tájiribe bar? Bizge túrik áýejelileri keledi. Olar tizimge qalai engizedi? Eger Lufthansa bortynda adam erejebuzýshylyq jasaǵan bolsa, tasymaldaýshy ony ózdiginen tizimge engizedi. Nelikten bizde sot sheshimi boiynsha zań jobasy usynylady?", - dep surady depýtat.
Vitse-ministr Kamalievtiń aitýynsha, qazir Qazaqstannyń áýekompaniialary jolaýshylardy qara tizimge engizý týraly sheshimdi ózderi qabyldaidy.
"Qazir 99 paiyz jaǵdaida "Eir Astana" osylai jasaidy, olardyń óz tizimi bar. "Eir Astanaǵa" qatysty bir jaǵdai boldy. Shymkentten bir áiel ushyp keldi, ol tirkeý kezinde ony qorlaǵanyn aitty. Ádette áýejai qyzmetkerleri tirkeý júrgizedi, biraq "Eir Astanada" áýekompaniia tirkeýdi ózi júrgizedi. Áiel tizimge engizilgen. Biz anyqtaǵanymyzda, balalar júgirip, oinaǵany belgili boldy, onyń bir balasy - aýtist. Mundai jaǵdailar bar(...) Sondyqtan, tek sot sheshimi boiynsha ǵana áýekompaniialar erejebuzǵan adamdardy tizimge engizýi kerek", - dep túsindirdi Qamaliev.
Ol áýejaiǵa kelgen kezde áýekompaniia ókilderi ákimshilik hattama jasai alatynyn jáne sot sheshimi shyqqanǵa deiin quqyqbuzýshy ýaqytsha qara tizimge enetinin aitty.
"Bizde kóptegen daýly másele bar. Ol aviatsiia qyzmetkerleri, áýejailar men áýekompaniia qyzmetkerlerine de qatysty. Ázirge ótpeli kezeńde osyndai túzetýler engizip jatyrmyz. Azamattardyń konstitýtsiialyq quqyǵyna nuqsan keltirmeý úshin", - dedi birinshi vitse-ministr.
