Memleket basshysy Qasym-Jomart Toqaevtyń tapsyrmasy boiynsha Premer-Ministr, Sý tasqynyna qarsy is-sharalardy úilestirý jáne sý tasqyny kezeńiniń saldaryn joiý jónindegi respýblikalyq shtabtyń jetekshisi Oljas Bektenov qazirgi kezde sý tasqynyna bailanysty kúrdeli jaǵdai qalyptasyp otyrǵan Qostanai oblysynda júr.
Úkimet basshysy sý deńgeii Qostanai, Rýdnyi qalalary, B. Mailin, Denisovskii, Jitiqara aýdandaryndaǵy jaǵdaiǵa tikelei áser etetin Tobyl ózenin tikushaqpen aralap kórdi.
- Sý qoimalarynyń tolý deńgeii maksimaldy mejege jaqyndap keledi.
- Bul rette sýdyń kelýi ony ótkizý kóleminen asyp túsedi.
- Jaqyn arada, boljam boiynsha, erigen qar sýynyń jáne joǵarǵy jaqtan keletin sýdyń esebinen sý deńgeii taǵy da ulǵaiady dep kútilýde.
Qostanai jáne Tobyl qalalaryna irgeles aýmaqtardy sý basýy múmkin.
Oljas Bektenov basty mindet turǵyndarymyzdyń qaýipsizdigin qamtamasyz etý ekenin atap ótti. Premer-Ministr jaǵdaidyń nasharlaýyna jol bermeý úshin jasalyp jatqan sharalarmen tanysty.
Óńirde erigen qar sýyn ótkizý maqsatynda Qostanai qalasyndaǵy kishi kópir aýdanynda jumys istemeitin jol tósemi ashyldy, eldi mekenderde arnaiy bógetter salynyp, erigen sýlardy basqa jaqqa burý úshin aryqtar daiyndalýda, topyraq toltyrylǵan qapshyqtar men inertti materialdar tóselip, sýdy sorý jáne basqa da jumystar júrgizilip jatyr. Qarasý jáne Tobyl ózenderinde muz jarý jumystary júrgizildi.
Jumystar kúsheitilgen rejimde júrgizilýde.
Óńirde sý tasqyny kezeńi bastalǵannan beri barlyǵy 3257 adam qutqaryldy jáne evakýatsiialandy, ýaqytsha ornalastyrý pýnktterine 632 adam ornalastyrylǵan, qalǵandary óz erkimen týystary men jaqyndarynyń úiine barýǵa sheshim qabyldady. Qosymsha evakýatsiialaý jáne ýaqytsha ornalastyrý pýnktteri tolyq daiyndyq rejiminde.
Jaǵdai – turaqty baqylaýda.
