Foto Tengrinews.kz/Álihan Sariev
Tsifrlyq damý, innovatsiialar jáne aeroǵarysh ónerkásibi ministri Nur-Sultan qalasyndaǵy HQKO-ǵa baryp, halyq júrgizýshi kýáligin emtihan tapsyrmai-aq alyp jatqanyn kórgenin aitty, - dep habarlaidy Tengrinews.kz tilshisi.
"24 qazanda Nur-Sultan qalasynyń mamandandyrylǵan halyqqa qyzmet kórsetý ortalyǵyna bardym. Shynymdy aitsam, keibir jaittar anyqtaldy. Aitalyq, men sybailas jemqorlyq qataryna qosatyn kórinister, óitkeni halyq teoriialyq jáne praktikalyq emtihandardan ótpei-aq, júrgizýshi kýáligin alǵan. Mundai jaǵdailar onsha kóp bolmaýy múmkin, biraq naqty qansha bolǵanyn da bilmeimiz", - dedi Mýsin OKQ brifinginde
Ministr emtihan tapsyrý sátine ózi barǵanyn jáne qazaqstandyqtardyń teoriialyq, praktikalyq testilerdi tapsyrmai, júrgizýshi kýáligin qalai alatynyna kóz jetkizgenin aitty.
"Qazir buny toqtatý úshin sharalar qabyldap jatyrmyz. Keshe, mysaly, Nur-Sultanda kúni boiy júrgizýshi kýáligin tek úsh adam aldy. Baqylaýdy kúsheitip, emtihanǵa kim kiretinin, dál sol adam ba, joq pa tekserý úshin qosymsha adamdar qoidyq. Qazir sharalar qabyldandy. Bolashaqta teoriialyq emtihandarǵa kire beriste biometriialyq sáikestendirýdi ornatatý kerek ekenin túsindik. Bul praktikalyq emtihan tapsyrý kezinde de qoldanylady", - dedi ol.
