Elordanyń Saryarqa aýdanynda apatty úilerdiń ornyna demalys orny paida boldy, dep habarlaidy "Ult aqparat" qala ákimdigine silteme jasap.
Jyl sońyna deiin aýdanda 14 qoǵamdyq keńistik abattandyrylady. S.Seifýllin kóshesinde apatty dep tanylyp, iýuzdyrylǵan eki úidiń ornyna jaily demalys orny paida boldy: asfalt tóselip, balalar oiyn alańdary, oryndyqtar ornatylyp, jaryqtandyryldy.
Maýsymnyń basynda bastalǵan qoǵamdyq keńistik qurylysy birneshe kún buryn aiaqtaldy.
«Biz turǵyndarmen jańa demalys ornynda kórgisi keletin nárseler týraly aldyn ala kelisip, qoǵamdyq pikirdi tyńdap, talqyladyq. Ornatylǵan jabdyqtardyń 90%-y elimizde jasalǵan. «Jumyspen qamtýdyń jol kartasy» aiasynda jumysshylar tartyldy», – dedi Saryarqa aýdanynyń Abattandyrý jáne qoǵamdyq keńistikti damytý bóliminiń basshysy Azamat Mashenov.
Qazirgi ýaqytta Saryarqa aýdanynda eki jańa qoǵamdyq oryn paida boldy. Jyl sońyna deiin taǵy 12 oryndy abattandyrý josparlanǵan. Mundai abattandyrý jumystary qalanyń barlyq aýdandarynda júrgizilip otyr. Biyl Nur-Sultanda 150 aýla men 50 qoǵamdyq oryn, onyń ishinde Almaty aýdanynda – 33, Baiqońyrda – 70, Esilde – 20, Saryarqada – 40 abattandyrý josparlanǵan.
